rKTs

e-texts navigator

Volume

Page

98b₁ sems snang ba tsam du khong du chud pa'i phyir phyi rol la dngos po dang / dngos po med par rnam par mi rtog pas rnam par brtags na/ sangs rgyas kyi theg pa'i rigs 'thob par byed pa yin no/ /des na de'i phyir blo gros chen po 'di ni rigs te rigs kyi don to/ /blo gros chen po byis pa rnams
98b₂ kyis nor pa la dngos po sna tshogs kyi rang bzhin du 'di ni de bzhin te/ gzhan du ma yin no zhes rnam par brtags pas na 'khor ba'i theg pa'i rigs 'thob par byed pa yin te/ des na de'i phyir blo gros chen po byis pa rnams kyis nor pa la dngos po sna tshogs su brtags te/ de yang dngos po yang
98b₃ ma yin/ dngos po med pa'ang ma yin no/ /blo gros chen po nor pa de nyid rnam par brtags pas/ 'phags pa rnams kyi sems dang / yid dang / yid kyi rnam par shes pa'i gnas ngan len gyi bag chags kyi rang bzhin gyi chos las gzhan du gyur pas nor pa ni 'phags pa rnams la de bzhin
98b₄ nyid ces bya'o/ /blo gros chen po de'i phyir 'di ltar de bzhin nyid ni sems las grol ba'o/ /zhes smras pa yin te/ blo gros chen po tshig 'di nyid bstan pa'i phyir ngas 'di skad smras te/ rtog pa rnams kyis kyang rnam par spangs pa/ rtog pa thams cad dang bral ba'o/ /zhes bya ba'i bar du smras
98b₅ pa yin no/ /blo gros chen pos gsol pa/ bcom ldan 'das nor pa mchis sam ma mchis/ bcom ldan 'das kyis bka' stsal pa/ blo gros chen po nor pa ni sgyu ma lta bur yod kyis mtshan nyid la mngon par zhen pa ni yod pa ma yin no/ /blo gros chen po de ste nor pa mtshan nyid la mngon par zhen
98b₆ pas yod du zin na/ blo gros chen po dngos po la mngon par zhen pa ma bzlog par 'gyur ro/ /blo gros chen po 'di'ang rten cing 'brel par 'byung ba pa dang / mu stegs byed kyi rgyu las skye ba bzhin du 'gyur ro/ /blo gros chen pos gsol pa/ bcom ldan 'das gal te nor pa de sgyu ma dang 'dra na ni/
98b₇ de'i phyir nor ba gzhan gyi rgyur 'gyur ro/ /bcom ldan 'das kyis bka' stsal pa/ blo gros chen po sgyu ma ni gnas ngan len gyi nyes pa 'thob par mi byed pas nor pa'i rgyu ma yin no/ /blo gros chen po sgyu ma ni rnam par ma brtags na gnas ngan len gyi nyes pa 'thob par mi byed do/ /blo gros chen po

_{iiif viewer powered by OpenSeadragon}

98a - 99a

Texts on this page