rKTs

e-texts navigator

Volume

Page

96b₁ dbang bskur ting 'dzin dag la sogs/ /smon lam dag gis rnam sbyangs pa/ /dang po dang ni bcu par 'byung / /de nas yang bcom ldan 'das la byang chub sems dpa' sems dpa' chen po blo gros chen pos 'di skad ces gsol to/ /bcom ldan 'das kyis rten cing 'brel bar
96b₂ 'byung ba bshad pas rgyu rnam par brjod pa nyid bgyis te/ rang gi tshul gyis slar glen pa'i gtam ma gsungs na/ bcom ldan 'das mu stegs byed rnams kyang gang las dngos po rnams 'byung ba 'di lta ste/ gtso bo dang / dbang po dang / skyes bu dang / dus dang / rdul phra mo
96b₃ 'jug pas rgyu las 'byung bar brjod do/ /bcom ldan 'das kyis ni rkyen gyi rnam grangs gzhan gyis dngos po rnams kyi skye ba bka' stsal mod kyi/ grub pa'i mtha'i bye brag tu dbye ba ni ma mchis so/ /bcom ldan 'das mu stegs byed dag kyang mchis pa dang / ma mchis pa las
96b₄ skye bar brjod do/ /bcom ldan 'das kyis kyang dngos po rnams ma mchis pa las rkyen rnams 'byung ba dang / byung nas kyang 'jig par gsungs te/ gang yang bcom ldan 'das kyis ma rig pa'i rkyen gyis 'du byed nas/ rga shi'i bar du gsungs pa 'di yang bcom ldan 'das kyis rgyu
96b₅ med par smra ba rnam par brjod pa gsungs kyi rgyur smra ba ni ma lags so/ /bcom ldan 'das 'di yod na 'di yod do zhes bgyi ba 'di ni cig car gnas pa rnams la rung gi rim gyis 'byung ba la ltos par gnas pa rnams la ni ma lags te/ mu stegs byed kyis rnam par brjod pa nyid bzang
96b₆ gi khyod kyis ni bzang po ma lags so/ /bcom ldan 'das de ci'i slad du zhe na/ mu stegs byed rnams kyis ni rten cing 'brel par 'byung ba ma lags pa'i rgyus 'bras bu mngon par sgrub bo/ /bcom ldan 'das khyod kyi rgyu yang 'bras bu la ltos/ 'bras bu'ang rgyu la ltos pas rgyu dang rkyen
96b₇ dang yang 'dres te/ de bzhin du phan tshun du thug pa ma mchis par yang 'gyur ro/ /'di yod na 'di yod do zhes brjod pa ni 'jig rten rgyu ma mchis par yang 'gyur ro/ /bcom ldan 'das kyis bka' stsal pa/ blo gros chen po gzung ba dang 'dzin pa med pa dang / rang gi sems snang

_{iiif viewer powered by OpenSeadragon}

96a - 97a

Texts on this page