rKTs

e-texts navigator

Volume

Page

95a₁ pa ma yin pa dang / rtag pa ma yin pa dang / don gcig pa ma yin pa dang / don tha dad pa ma yin pa'i phyir mya ngan las 'das pa zhes bya'o/ /blo gros chen po gzhan yang nyan thos dang rang sangs rgyas rnams kyi mya ngan las 'das pa ni rang dang spyi'i mtshan nyid khong du chud pa dang /
95a₂ 'du 'dzi med pa dang / yul la phyin ci log med par mthong bas rnam par rtog pa mi 'byung ste/ de'i phyir de dag de la mya ngan las 'das pa'i blor 'gyur ro/ /blo gros chen po gzhan yang rang bzhin gnyis kyi mtshan nyid rnam pa gnyis yod de/ rnam pa gnyis gang zhe na/ 'di lta ste/ brjod
95a₃ pa'i rang bzhin la mngon par zhen pa dang / dngos po'i rang bzhin la mngon par zhen pa'o/ /de la blo gros chen po brjod pa'i rang bzhin la mngon par zhen pa ni thog ma med pa'i dus kyi tshig tu spros pa'i bag chags la mngon par zhen pa las 'byung ngo / /de la blo gros chen po dngos po'i rang bzhin
95a₄ la mngon par zhen pa ni rang gi sems snang ba tsam du khong du ma chud pa las 'byung ngo / /blo gros chen po gzhan yang byin gyis brlabs gnyis kyis byin du brlabs pa'i byang chub sems dpa' dag de bzhin gshegs pa dgra bcom pa yang dag par rdzogs pa'i sangs rgyas rnams kyi zhabs la
95a₅ gtug cing 'dri ba yongs su 'dri'o/ /byin gyis brlabs gnyis po gang gis byin du brlabs zhe na/ 'di lta ste/ ting nge 'dzin la snyoms par 'jug pa'i byin gyi rlabs kyi byin du brlabs dang / sku dang / zhal dang / phyag thams cad kyis dbang bskur ba'i byin gyi rlabs so/ /de la blo
95a₆ gros chen po byang chub sems dpa' sems dpa' chen po rnams sa dang po las sangs rgyas kyi byin gyi rlabs kyis byin du brlabs nas/ byang chub sems dpa'i ting nge 'dzin theg pa chen po rab tu snang ba zhes bya ba la snyoms par 'jug ste/ byang chub sems dpa' sems dpa' chen po dag byang
95a₇ chub sems dpa'i ting nge 'dzin theg pa chen po rab tu snang ba la snyoms par zhugs ma thag tu phyogs bcu'i 'jig rten gyi khams na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis zhal bstan te/ sku dang zhal dang gsung thams cad yang dag par

_{iiif viewer powered by OpenSeadragon}

94b - 95b

Texts on this page