| e-texts navigator |
| བོད་ཡིག |
94b1 gyi/ /spyod yul du'ang lhung bar byed/ /'di dag thams cad rnam spangs shing / /snang ba med par nam gyur pa/ /de tshe sangs rgyas lha yi phyag /thams cad zhing nas byung ba yis/ /de yi mgo la nyug mdzad de/ /yang dag rjes su 'gro ba'i ltas/ /de nas yang bcom ldan 'das
94b2 la byang chub sems dpa' sems dpa' chen po blo gros chen pos 'di skad ces gsol to/ /bcom ldan 'das mya ngan las 'das pa'o/ /mya ngan las 'das pa'o zhes bgyi na/ bcom ldan 'das ji ltar mya ngan las 'das pa/ mya ngan las 'das pa zhes bgyi ba 'di ni chos gang gi tshig
94b3 lags/ bcom ldan 'das kyis bka' stsal pa/ rnam par shes pa thams cad kyi rang bzhin gyi bag chags kun gzhi dang / yid dang yid kyi rnam par shes pa'i lta ba'i bag chags rab tu gyur pa ni mya ngan las 'das pa'i tshul dang / rang bzhin stong pa nyid kyi dngos po'i spyod yul te/ mya ngan
94b4 las 'das pa'o zhes sangs rgyas rnams dang ngas brjod do/ /gzhan yang blo gros chen po mya ngan las 'das pa ni 'phags pa so so rang gis rig pa'i ye shes kyi spyod yul te/ rtag pa dang / chad par rnam par rtog pa dang / dngos po dang / dngos po med par rnam par rtog pa spangs pa'o/ /
94b5 ji ltar rtag pa ma yin zhe na/ 'di lta ste/ rang dang spyi'i mtshan nyid du rnam par rtog pa spangs pas de'i phyir rtag pa ma yin no/ /de la chad pa ma yin pa ni 'di lta ste/ 'das pa dang / ma 'ongs pa dang / da ltar byung ba'i 'phags pa thams cad so so rang gis rtogs par byed de/ de'i phyir chad pa
94b6 ma yin no/ /blo gros chen po gzhan yang yongs su mya ngan las 'das pa ni 'jig pa ma yin no/ /'chi ba ma yin no/ /blo gros chen po yongs su mya ngan las 'das pa gal te 'chi ba zhig yin na ni da dung yang skye ba'i rgyud du 'gyur ro/ /'on te 'jig pa zhig yin na'ang 'dus byas kyi mtshan nyid
94b7 du ltung bar 'gyur ro/ /blo gros chen po de'i phyir yongs su mya ngan las 'das pa ni 'jig pa ma yin/ 'chi ba ma yin te/ rnal 'byor can rnams ni shi 'pho dang bral ba'i skyabs mngon du byed do/ /blo gros chen po gzhan yang mya ngan las 'das pa ni spangs pa med pa dang / thob pa med pa dang / chad
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo