rKTs

e-texts navigator

Volume

Page

93a₁ po byis pa rnams kyi rnam par rtog pa'i rnam par shes pa thog ma med pa'i dus kyi spros pa gnas ngan len gyi bag chags kyis bsgos pa ni skye ba dang / 'jig pa dang / gnas pa dang / gcig pa dang / tha dad pa dang / gnyis ka dang / gnyis ka ma yin pa dang / yod
93a₂ pa dang / med pa dang / 'phags pa so so rang gi ye shes kyi dngos po'i tshul du yang smig rgyu bzhin du rlabs g.yo'o/ /blo gros chen po 'di lta ste/ ro langs dang / 'khrul 'khor gyi mi ni sems can med kyang 'dre dang sbyor bar ldan na g.yo ba'i las byed de/ 'gro ba dang mi 'gro ba'i phyir med
93a₃ pa la rnam par rtog pa de la byis pa rnams mngon par zhen to/ /de bzhin du blo gros chen po byis pa so so'i skye bo lta ba ngan pa'i mu stegs can gyi bsam par ltung ba dag gcig pa dang / tha dad par smra ba la mngon par zhen te/ de ni yang dag pa ma yin par sgro btags pa'o/ /de bas na blo gros
93a₄ chen po khyod kyi skye ba dang / mi skye ba dang / 'jig pa dang / gnas pa dang / gcig pa dang / tha dad pa dang / gnyis ka dang / gnyis ka ma yin pa dang / yod pa dang / med pa dang / 'phags pa so so rang gi dngos po khong du chud par bya ba'i rnam par rtog pa dang bral bar bya'o/ /
93a₅ de la 'di skad ces bya ste/ phung po rnam par shes dang lnga/ /chu la shing gi grib ma bzhin/ /snang ba sgyu ma rmi lam 'dra/ /rnam par rig pas ma rtog shig /srid gsum 'di ni rmi lam dang / /skra shad 'dzings dang sgyu ma 'dra/ /smig rgyu chu bzhin nor ba ni/ /rnam par bsgoms na
93a₆ rnam par grol/ /sems slu ba yi smig rgyu ba/ /ji ltar dpyid ka g.yo ba na/ /rnams ni chur 'dzin te/ /de la dngos po yod pa min/ /de bzhin rnam shes sa bon kyang / /lta ba'i yul la rab tu g.yo/ /byis pa dag ni skye bar 'dzin/ /rab rib can gyi rab rib bzhin/ /
93a₇ thog ma med ldan 'khor ba nas/ /dngos 'dzin byis pas phang blangs pa/ /ji ltar gzer la gzer bzhin du/ /'dzin pa brid de rnam par zlog /sgyu ma ro langs 'khrul 'khor dang / /rmi lam glog dang sprin lta bur/ /nam yang rgyud gsum rnam chad par/ /skye bo mthong nas rnam par

_{iiif viewer powered by OpenSeadragon}

92b - 93b

Texts on this page