| e-texts navigator |
| བོད་ཡིག |
92a1 yin pa'i smra ba la mngon par zhen cing dam pa'i chos la skur pa rnams bdag dang gzhan dag kyang log par ltung bar byed do/ /blo gros chen po 'di lta ste/ 'khor lo ma yin yang mgal me'i 'khor lo la byis pa rnams 'khor lo'i dngos por yongs su rtog ste/ mkhas pa rnams
92a2 ni ma yin no/ /de bzhin du blo gros chen po lta ba ngan pa'i mu stegs can gyi bsam par lhung ba rnams srid par skye ba kun tu yang gcig pa dang / tha dad pa dang / gnyis ka dang / gnyis ka ma yin par yongs su rtog go/ /blo gros chen po 'di lta ste/ char 'bab pa'i tshe chu las chu bur
92a3 'byung ba nor bu shel 'dra bar snang ba de la byis pa rnams nor bu shel gyi dngos por mngon par zhen cing rab tu rgyug ste/ blo gros chen po chu'i chu bur de dag ni gzung ba dang / gzung du med pa'i phyir nor bu'ang ma yin/ nor bu ma yin pa'ang ma yin no/ /de bzhin du blo gros chen po mu stegs can
92a4 gyi lta ba rnam par rtog pa'i bsam pa'i bag chags kyis bsgos pa rnams rkyen rnams kyis med pa las skye ba dang / yod pa las kyang 'jig par smra bar 'gyur ro/ /blo gros chen po gzhan yang tshad ma gsum gyi yan lag so sor gzhag par bya ste/ 'phags pa'i ye shes so so rang gis rig par
92a5 bya ba'i rang bzhin gnyis las rnam par grol ba la/ dngos po'i rang bzhin du yod do zhes rnam par rtog par 'gyur te/ blo gros chen po rnal 'byor can sems dang / yid dang / yid kyi rnam par shes pa'i gnas shin tu gyur pa/ rang gi sems snang ba'i gzung ba dang 'dzin pa'i rnam par rtog
92a6 pa rab tu spangs pa/ de bzhin gshegs pa'i sa 'phags pa so so rang gis rig pa'i ye shes thob pa rnams la ni dngos po dang / dngos po med pa'i 'du shes mi 'byung ngo / /blo gros chen po rnal 'byor can de lta bu'i tshul gyi yul can rnams la/ gal te dngos po dang dngos po med par 'dzin pa
92a7 zhig 'jug tu zin na ni de nyid de dag gi bdag tu 'dzin pa dang / gso bar 'dzin pa dang / skyes bur 'dzin pa dang / gang zag tu 'dzin par 'gyur ro/ /blo gros chen po gang 'di ltar dngos po'i rang bzhin dang / rang dang spyi'i mtshan nyid bstan pa 'di ni blo gros chen po sprul pa'i sangs rgyas kyis
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo