| e-texts navigator |
| བོད་ཡིག |
91b1 grong khyer rin po che nyid rjes su dran na/ blo gros chen po de ji snyam du sems/ de ltar yang dag pa ma yin pa'i rmi lam rnam pa sna tshogs rjes su dran par byed pa'i skyes bu de ci mkhas pa'i rang bzhin can yin nam/ gsol pa/ bcom ldan 'das ma lags so/ /bcom ldan 'das kyis
91b2 bka' stsal pa/ de bzhin du blo gros chen po byis pa so so'i skye bo lta ba ngan pas zin pa mu stegs can gyi blo can dag rang gi sems snang ba'i dngos po rmi lam lta bur khong du ma chud pa rnams gcig pa dang / tha dad pa dang / yod pa dang / med par lta ba la rten to/ /blo gros chen po 'di lta
91b3 ste/ ri mo bris pa'i gzhi mthon dman med pa la byis pa rnams mthon dman du rnam par rtog go/ /de bzhin du blo gros chen po ma 'ongs pa'i dus na mu stegs can gyi lta ba ngan pa'i bag chags kyi bsam pa rnam par rtog pa shin tu rgyas pa de dag gcig pa dang / tha dad pa dang / gnyis ka
91b4 dang / gnyis ka ma yin pa'i smra ba la mngon par zhen pa dang / bdag nyid kyang brlag la/ yod pa dang med pa'i phyogs kyis dben par gyur pa/ skye ba med par smra ba dag la yang med pa pa zhes zer ba dag 'byung ste/ 'di dag ni rgyu dang / 'bras bu la skur pa dge ba dkar po'i phyogs kyi
91b5 rgyu lta ba ngan pas rtsa ba nas phyung ba yin gyi/ 'di dag ni legs par 'dod pa rnams kyis ring du spang bar bya'o/ /zhes zer te/ bdag dang gzhan dang gnyis ka'i lta bar lhung ba'i bsam pa can/ yod pa dang med par rnam par brtags nas sgro 'dogs pa dang / skur pa'i lta ba ngan par
91b6 lhung ba'i bsam pa can de dag sems can dmyal ba la gzhol bar 'gyur ro/ /blo gros chen po 'di lta ste/ rab rib can dag skra shad 'dzings pa mthong ba dang / 'di ni ngo mtshar to/ /'di ni ngo mtshar 'de re/ kye grogs po rnams ltos shig ces zer te/ skra shad 'dzings pa de ni mthong ba
91b7 dang / ma mthong ba'i phyir shin tu yod pa'ang ma yin te med pa'ang ma yin no/ /de bzhin du blo gros chen po mu stegs can gyi lta ba ngan pa rnam par rtog pa'i bsam pa la mngon par zhen pa dag yod pa dang med pa'i phyogs dang / gcig pa dang / tha dad pa dang / gnyis ka dang / gnyis ka ma
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo