rKTs

e-texts navigator

Volume

Page

89b₁ par rtog pa'i gzugs la mtshan mar mngon par zhen pa las 'byung ngo / /blo gros chen po rmi lam gyi tshig ni sngon myong ba'i yul rjes su dran pa dang rtogs pa'i yul med pa las 'byung ngo / /yang blo gros chen po gnas ngan len gyi rnam par rtog pa'i tshig ni sngon dgras byas pa'i las rjes su dran pa las 'byung
89b₂ ngo / /blo gros chen po thog ma med pa'i dus nas rnam par rtog pa'i tshig ni thog ma med pa'i dus kyi spros pa la mngon par zhen pa'i gnas ngan len gyi rang gi sa bon las 'byung ste/ 'di ni blo gros chen po tshig rnam par rtog pa'i mtshan nyid rnam pa bzhi'o/ /zhes gang brjod pa de la phyir bshad pa'o/ /
89b₃ de nas yang bcom ldan 'das la byang chub sems dpa' sems dpa' chen po blo gros chen pos don de nyid kyi phyir gsol ba btab pa/ bcom ldan 'das da dung yang bcom ldan 'das kyis mi rnams kyis tshig rnam par rig pa rtog pa gang du ci las ji ltar gang gis 'byung ba'i tshig gi rnam par rtog
89b₄ pa mngon par zhen pa'i spyod yul bdag la bshad du gsol/ bcom ldan 'das kyis bka' stsal pa/ blo gros chen po tshig 'byung ba ni mgo dang brang dang / sna dang mgul dang / rkan dang mchu dang / lce dang so rnams 'dus pa las 'byung ngo / /blo gros chen pos gsol pa/ bcom ldan
89b₅ 'das rnam par rtog pa dang tshig tu tha dad dam/ 'on te gcig gam ci lags/ bcom ldan 'das kyis bka' stsal pa/ blo gros chen po tshig ni rnam par rtog pa dang / tha dad pa'ang ma yin gcig pa'ang ma yin no/ /de ci'i phyir zhe na/ 'di lta ste/ de'i rgyu las byung ba'i mtshan nyid kyi
89b₆ phyir tshig gi rnam par rtog par 'byung ngo / /blo gros chen po de ste tshig 'di rnam par rtog pa dang tha dad pa zhig yin na ni/ rnam par rtog pa'i rgyu las byung ba ma yin par 'gyur ro/ /de ste gcig pa zhig yin na ni tshig de don gsal bar byed par yang mi 'gyur na/ de ni byed de de bas na tha dad
89b₇ pa'ang ma yin/ gcig pa'ang ma yin no/ /yang blo gros chen pos gsol pa/ bcom ldan 'das tshig nyid don dam pa lags sam/ 'on te tshig gis gang brjod par bgyi ba de don dam pa lags sam ci lags/ bcom ldan 'das kyis bka' stsal pa/ blo gros chen po tshig kyang don

_{iiif viewer powered by OpenSeadragon}

89a - 90a

Texts on this page