| e-texts navigator |
| བོད་ཡིག |
88b1 la sogs pa 'byung ba'i dmigs pa'i bya ba byed do/ /blo gros chen po mtshan nyid kyi rgyu ni de ma thag tu byed pa'i mtshan nyid dang 'brel ba skyed do/ /blo gros chen po byed pa'i rgyu ni dbang bar gtogs pa'i bya ba byed de/ 'khor los sgyur ba'i rgyal po bzhin no/ /blo gros chen po snang bar byed pa'i rgyu ni
88b2 rnam par rtog pa'i dngos po skyes pa'i mtshan nyid snang ba'i bya ba byed de/ gzugs la sogs pa la mar me bzhin no/ /blo gros chen po ltos pa'i rgyu ni rnam par ldog pa'i dus na rnam par mi rtog pa'i dngos po 'byung ba'i phyir rgyun gyi bya ba mi 'chad par byed do/ /'di dag ni blo gros chen po byis pa so so'i
88b3 skye bo rnams kyis rang gi sems kyi rnam par rtog pas brtags pa ste/ rim gyis 'jug pas kyang ma yin no/ /cig car yang mi 'byung ngo / /de ci'i phyir zhe na/ blo gros chen po gal te cig car 'byung na ni rgyu'i mtshan nyid du ma red pa'i phyir bya ba dang byed pa'i bye brag kyang med par 'gyur ro/ /de ste rim
88b4 gyis 'jug pas 'byung na ni mtshan nyid du ma red pa'i bdag nyid las rim gyis 'jug par mi 'byung ste/ blo gros chen po bu ma skyes par pha zhes gdags pa dang 'dra bar rtog pa pa rnams kyi rim gyis 'jug pas 'brel pa'i tshul yang mi rung ngo / /blo gros chen po rgyu dang / dmigs pa dang / de ma thag
88b5 pa dang / bdag po'i rkyen la sogs pas bskyed par bya ba dang / skyed pa'i phyir rim gyis 'jug pas mi skye ste/ blo gros chen po kun brtags pa'i rang bzhin la mngon par zhen pa'i mtshan nyid kyi phyir rim gyis sam cig car mi skye'o/ /blo gros chen po rang gi sems snang ba'i lus dang /
88b6 longs spyod can yin pa'i phyir rang dang / spyi'i mtshan nyid phyi rol gyi dngos po med pa'i phyir rim gyis sam cig car yang mi skye ste/ gzhan du na rang gi sems snang ba'i rnam par rtog pas rnam par brtags pa'i phyir rnam par shes pa 'byung ngo / /blo gros chen po de lta bas na khyod kyis rgyu dang rkyen
88b7 dang / byed pa dang ldan pa'i mtshan nyid rim pa'am cig car du lta ba dang bral bar bya'o/ /de la 'di skad ces bya ste/ 'di la gang yang rkyen rnams kyis/ /skye ba med cing 'gag pa med/ /btags pa'i rkyen rnams kho na ni/ /skye zhing 'gag par 'gyur yin no/ /skye 'jig rkyen la 'brel
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo