rKTs

e-texts navigator

Volume

Page

86a₁ brjod pa las de bzhin gshegs pa'i snying po gsungs pa de/ bcom ldan 'das kyis rang bzhin gyis 'od gsal ba rnam par dag pas thog ma nas rnam par dag pa nyid mtshan sum cu rtsa gnyis dang ldan pa/ sems can thams cad kyi lus kyi nang na mchis par brjod de/
86a₂ bcom ldan 'das kyis rin po che rin thang chen po gos dri ma can gyis yongs su dkris pa ltar phung po dang / khams dang / skye mched kyi gos kyis yongs su dkris pa/ 'dod chags dang / zhe sdang dang / gti mug gi zil gyis non pa/ yongs su rtog pa'i dri mas dri ma can du gyur
86a₃ pa/ rtag pa dang / brtan pa ther zug par ni brjod na/ bcom ldan 'das de bzhin gshegs pa'i snying por smra ba 'di mu stegs byed kyi bdag tu smra ba dang ji ltar mi 'dra ba lags/ bcom ldan 'das mu stegs byed rnams kyang rtag pa med pa/ byed pa med pa/ yon tan med pa/
86a₄ khyab pa mi 'jig pa'o zhes bdag tu smra ba ston par bgyid do/ /bcom ldan 'das kyis bka' stsal pa/ blo gros chen po nga'i de bzhin gshegs pa'i snying po bstan pa ni mu stegs can gyi bdag tu smra ba dang mtshungs pa ma yin te/ blo gros chen po de bzhin gshegs pa dgra bcom pa yang
86a₅ dag par rdzogs pa'i sangs rgyas rnams ni stong pa nyid dang / yang dag pa'i mtha' dang / mya ngan las 'das pa dang / ma skyes pa dang / mtshan ma med pa dang / smon pa med pa la sogs pa'i tshig gi don rnams la/ de bzhin gshegs pa'i snying por bstan par byas nas/ byis pa
86a₆ rnams bdag med pas 'jig par 'gyur ba'i gnas rnam par spang ba'i don du de bzhin gshegs pa'i snying po'i sgo bstan pas rnam par mi rtog pa'i gnas snang ba med pa'i spyod yul ston te/ 'di la blo gros chen po ma 'ongs pa dang / da ltar byung ba'i byang chub sems dpa' sems dpa'
86a₇ chen po rnams kyis bdag tu mngon par zhen par mi bya'o/ /blo gros chen po dper na rdza mkhan ni 'jim pa'i rdul gyi phung po gcig las lag pa dang / bzo dang / lag zungs dang / chu dang / srad bu dang / nan tan ldan pa las snod rnam pa sna tshogs byed do/ /blo gros chen po de

_{iiif viewer powered by OpenSeadragon}

85b - 86b

Texts on this page