| e-texts navigator |
| བོད་ཡིག |
85b1 las 'das pa ltar chos thams cad mi gnyis pa ste/ blo gros chen po de ni mtshan nyid tha dad pa'i rgyu yod pa'i phyir ro/ /mya ngan las 'das pa gang na ba de na 'khor ba med/ 'khor ba gang na ba de na'ang mya ngan las 'das pa med de/ de'i phyir chos thams cad 'khor ba dang / mya ngan las
85b2 'das pa ltar mi gnyis so zhes bya'o/ /de bas na blo gros chen po stong pa nyid dang / mi skye ba dang / mi gnyis pa dang / rang bzhin med pa'i mtshan nyid la brtson par bya'o/ /de nas de'i tshe bcom ldan 'das kyis tshigs su bcad pa 'di dag gsungs so/ /'khor ba rmi lam sgyu
85b3 'dra dang / /rtag dang chad pa spangs pa yi/ /rtag tu stong pa nyid bshad kyang / /las ni rnam par mi 'jig go/ /mya ngan 'das dang nam mkha' dang / /'gog pa gnyis po nyid kyang ste/ /ma byas par ni byis pas rtog /'phags pas yod med spangs par ro/ /de nas
85b4 yang bcom ldan 'das kyis byang chub sems dpa' sems dpa' chen po blo gros chen po la 'di skad ces bka' stsal to/ /blo gros chen po stong pa nyid dang / mi skye ba dang / mi gnyis pa dang / rang bzhin med pa'i mtshan nyid sangs rgyas thams cad kyi mdo sde'i nang du chud pa 'di ni
85b5 mdo sde gang du yang rung ste/ de dag tu don 'di nyid khong du chud par bya'o/ /blo gros chen po mdo sde de ni sems can thams cad kyi bsam pa bzhin du bstan pa don 'khrul pa yin te de ni de kho na rnam par gzhag pa'i gtam ma yin no/ /blo gros chen po 'di lta ste dper na smig rgyu ba ni slu
85b6 ba yin te/ chu'i dngos por mngon par zhen pas mngon par zhen par byed de/ de la chu med do/ /blo gros chen po de bzhin du mdo sde bstan pa'i chos thams cad kyang byis pa rnams kyi rang gi rnam par rtog pa mgu bar bya ba yin te/ de ni 'phags pa'i ye shes rnam par dgod pa'i gtam ni ma
85b7 yin no/ /de bas na blo gros chen po khyod kyis don gyi rjes su 'brang bar bya'i/ bstan pa brjod pa la mngon par chags par mi bya'o/ /de nas byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /bcom ldan 'das kyis mdo sde
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo