rKTs

e-texts navigator

Volume

Page

84b₁ bcom ldan 'das la phyir nyan to/ /bcom ldan 'das kyis de la 'di skad ces bka' stsal to/ /blo gros chen po stong pa nyid do stong pa nyid do zhes bya ba 'di ni kun brtags pa'i rang bzhin gyi tshig ste/ blo gros chen po kun brtags pa'i rang bzhin la mngon par zhen pas stong pa nyid dang / mi
84b₂ skye ba dang / dngos po med pa dang / mi gnyis pa dang / rang bzhin med pa'i dngos por smra ba yin no/ /blo gros chen po de la mdor na stong pa nyid rnam pa bdun te/ 'di ltar mtshan nyid stong pa nyid dang / dngos po'i rang bzhin stong pa nyid dang / srid pa stong pa nyid dang / mi srid pa stong pa nyid
84b₃ dang / chos thams cad brjod du med pa stong pa nyid dang / don dam pa 'phags pa'i ye shes stong pa chen po nyid dang / gcig gis gcig stong pa nyid dang bdun no/ /blo gros chen po de la mtshan nyid stong pa nyid gang zhe na/ 'di lta ste/ dngos po thams cad ni rang dang spyi'i mtshan nyid
84b₄ kyis stong ngo / /blo gros chen po 'dus pa phan tshun du ltos pa dang rab tu dbye ba'i khyad par med pa'i phyir rang dang spyi'i mtshan nyid du 'jug pa med de/ blo gros chen po bdag dang pha rol dang gnyis ka med pa'i phyir mtshan nyid gnas pa med pas na de'i phyir dngos po thams cad mtshan nyid stong pa zhes bya'o/ /
84b₅ blo gros chen po dngos po'i rang bzhin stong pa nyid gang zhe na/ 'di lta ste/ blo gros chen po rang gi rang bzhin gyis dngos po skye ba med pa'i phyir chos thams cad dngos po'i rang bzhin gyis stong pa nyid yin te/ de'i phyir dngos po'i rang bzhin stong pa nyid ces bya'o/ /blo gros chen po srid pa'i stong pa
84b₆ nyid gang zhe na/ 'di lta ste/ bdag dang bdag gi dang bral ba'i phung po rnams te/ rgyu dang / rigs pa dang / byed pa dang / las dang / 'byor pa las skye zhing 'byung ste/ de'i phyir srid pa'i stong pa nyid ces bya'o/ /blo gros chen po mi srid pa'i stong pa nyid gang zhe na/ 'di lta ste/
84b₇ phung po rnams la mya ngan las 'das pa sngon mi srid pa yin te/ de'i phyir mi srid pa stong pa nyid ces bya'o/ /blo gros chen po brjod du med pa'i stong pa nyid gang zhe na/ 'di lta ste/ kun brtags pa'i rang bzhin brjod du med pa'i phyir chos thams cad brjod du med pa'i stong pa nyid de/ de'i phyir

_{iiif viewer powered by OpenSeadragon}

84a - 85a

Texts on this page