| e-texts navigator |
| བོད་ཡིག |
80b1 par rtogs par 'gyur ba'i rigs ni gang gcig pu'i phyir mngon par rtogs pa bstan pa na mchi ma dang / snying yer zhes lus kyi spu ldang bar 'gyur zhing 'du 'dzi med pa'i rkyen gyis dngos po la mngon par zhen pa dang / rang gi lus kyi rdzu 'phrul sna tshogs rnam pa mang po bsnor ba dang / zung gi cho 'phrul
80b2 bstan pa rab tu bshad na dga' bar 'gyur ba yin te/ de ni rang sangs rgyas kyi theg pa mngon par rtogs par 'gyur ba'i rigs can du shes nas/ rang sangs rgyas kyi theg pa mngon du rtogs par 'gyur ba dang / rjes su 'thun pa'i gtam bya'o/ /blo gros chen po 'di ni rang sangs rgyas kyi theg pa
80b3 mngon par rtogs par 'gyur ba'i rigs can gyi mtshan nyid do/ /blo gros chen po de la de bzhin gshegs pa'i theg pa mngon par rtogs par 'gyur ba'i rigs ni rnam pa gsum ste/ 'di ltar rang bzhin gyi rang bzhin med pa'i chos mngon par rtogs par 'gyur ba'i rigs dang / khong du chud pa
80b4 bdag gi so so rang gi mngon par rtogs par 'gyur ba'i rigs dang / sangs rgyas kyi zhing phyi rol yangs pa mngon par rtogs par 'gyur ba'i rigs so/ /blo gros chen po de rnam pa gsum po 'di dag las gang yang rung ba zhig bstan pa dang / rang gi sems snang ba'i lus dang / kun gzhi dang /
80b5 longs spyod dang / gnas bsam gyis mi khyab pa'i yul bstan pa na mi 'jigs mi skrag skrag par mi 'gyur na/ de ni de bzhin gshegs pa'i theg pa mngon par rtogs par 'gyur ba'i rigs can du shes par bya ste/ blo gros chen po 'di ni de bzhin gshegs pa'i theg pa mngon par rtogs
80b6 par 'gyur ba'i rigs can gyi mtshan nyid do/ /blo gros chen po ma nges pa'i rigs can ni gsum po 'di dag bstan pa'i tshe gang la dga' ba de la rjes su sbyar bar bya'o/ /blo gros chen po 'di ltar rigs rnam par dgod pa 'di ni yongs su sbyong ba'i sa ste/ snang ba med pa'i sa la 'jug pa'i phyir
80b7 rnam par dgod par bya'o/ /so so rang gi kun gzhi la rang gi nyon mongs pa'i bag chags dag nas chos la bdag med pa mthong ba'i phyir ting nge 'dzin gyi bde ba la gnas pa thob nas nyan thos rnams kyang rgyal ba'i sku'i sku nyid rab tu 'thob par 'gyur ro/ /de nas bcom ldan 'das kyis tshigs
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo