rKTs

e-texts navigator

Volume

Page

72a₁ rtogs par khong du chud pas gzugs sna tshogs kyi nor bu dang 'dra ba shin tu phra zhing sems can gyi sems kyi rjes su 'jug pa'i sprul pa'i gzugs dang / sems tsam du 'jug pas sa'i rim pa'i mtshams sbyor ba 'brel par rab tu 'jog par 'gyur ro/ /blo gros chen
72a₂ po de bas na byang chub sems dpa' sems dpa' chen pos bdag gi grub pa'i mtha' la mkhas par bya'o/ /de nas yang blo gros chen pos gsol pa/ bcom ldan 'das sems dang yid dang rnam par shes pa dang chos lnga dang / rang bzhin gyi mtshan nyid sangs rgyas dang / byang chub
72a₃ sems dpa' rnams rjes su dong ba bdag gi sems snang ba'i spyod yul dang rnam par bral bar byed pa/ brjod pa dang / rigs pa dang / de kho na nyid kyi mtshan nyid rnam par 'jig pa/ sangs rgyas thams cad kyi gsung rab kyi snying po chos kyi rnam grangs kyi me tog bshad du gsol/
72a₄ lang ka'i grong rdal dang / ma la ya'i rgya mtsho la gnas pa'i byang chub sems dpa' rnams kyi slad du kun gzhi rnam par shes pa'i spyod yul rgya mtsho'i rlabs lta bu chos kyi sku de bzhin gshegs pas rjes su gsungs pa bshad du gsol/ de nas bcom ldan 'das kyis kyang byang chub
72a₅ sems dpa' sems dpa' chen po blo gros chen po la 'di skad ces bka' stsal to/ /blo gros chen po mig gi rnam par shes pa ni rgyu bzhi dag gis 'byung ngo / /bzhi gang zhe na/ 'di lta ste/ rang gi sems snang ba la 'dzin par khong du ma chud pa dang / thog ma med pa'i dus nas spros
72a₆ pa'i gnas ngan len gyi gzugs kyi bag chags la mngon par zhen pa dang / rnam par shes pa'i rang bzhin gyi ngo bo nyid dang / gzugs rnam pa sna tshogs kyi mtshan nyid la ngo mtshar du 'dzin pa yin te/ blo gros chen po rgyu bzhi po 'di dag gis kun gzhi rnam par shes pa chu'i klung lta bu las
72a₇ 'jug pa'i rnam par shes pa'i rlabs 'byung ngo / /blo gros chen po mig gi rnam par shes pa la ji lta ba bzhin du dbang po thams cad kyi rdul phra rab dang / spu'i khung bu rnams la'ang de bzhin te/ me long la cig car dang / rim gyis yul gyi gzugs snang ba dang / rgya mtsho la rlung gis

_{iiif viewer powered by OpenSeadragon}

71b - 72b

Texts on this page