rKTs

e-texts navigator

Volume

Page

71a₁ myu gu'i bya ba mi byed de/ blo gros chen po de bzhin du phung po dang khams dang / skye mched kyi dngos po de dag 'gags pa dang / 'gag pa dang / 'gag par 'gyur ba ni bdag ni sems snang ba rnam par rtog pa mthong ba'i rgyu las byung bas de dag ni rgyun mi chad par 'byung ba
71a₂ med do/ /blo gros chen po gal te ma byung ba'am/ yod pa las rnam par shes pa rnam gsum phrad pa'i rkyen gyi byed pa ldan pa las 'byung du zin na ni blo gros chen po ru sbal gyi spu lta bu med pa rnams dang / bye ma las kyang 'bru mar 'byung bar 'gyur ro/ /blo gros chen po yod pa dang med pa
71a₃ las 'byung bar smra ba las dam bcas pa nyams pa dang / nges pa las 'gal ba dang / bya ba dang las dang byed pa don med par yang 'gyur ro/ /blo gros chen po de dag la yang gsum phrad pa'i rkyen gyi byed pa dang ldan pas rgyu dang 'bras bu dang / rang gi mtshan nyid du ston pa yod de/ 'das
71a₄ pa dang / ma 'ongs pa dang / da ltar byung ba'i yod pa dang / med pa'i mtshan nyid yod par rig pa dang / gzhung gis brtags pa'i sa la gnas shing rang gi lta ba nyes pa'i bag chags kyis ston te/ blo gros chen po de ltar byis pa so so'i skye bo rnams nyes pa'i lta bas zin pa mi mnyam pa'i
71a₅ blo can rnams mi shes pas bstan pa la thams cad mkhyen pas bstan to zhes zer ro/ /blo gros chen po dge sbyong ngam bram ze gang la la rang bzhin med pa sprin dang mgal me bskor ba dang / dri za'i grong khyer dang / ma skyes pa dang / sgyu ma dang / smig rgyu ba dang / chu'i zla ba dang / rmi
71a₆ lam dang / phyi rol du sems kyi snang ba rnam par rtog pa dang thog ma med pa'i dus kyi spros pa mthong bas rang gi sems snang ba/ rnam par rtog pa'i rkyen phyir ldog pa med pa/ yongs su brtags pa'i brjod pa dang / mtshan dang mtshan gyi gzhi dang / brjod par bya ba dang bral ba/ lus dang
71a₇ longs spyod dang / gnas su snang ba'i kun gzhi rnam par shes pa dang / yul dang / gzung ba dang / 'dzin pa dang rnam par bral ba/ snang ba med pa'i spyod yul/ skye ba dang gnas pa dang 'jig pa spangs pa/ bdag gi sems skye ba dang ldan pa rnam par bsgom par 'gyur te/ blo gros chen

_{iiif viewer powered by OpenSeadragon}

70b - 71b

Texts on this page