| e-texts navigator |
| བོད་ཡིག |
63a1 bya'o/ /rang gi sems snang ba'i chos rnams la mngon par zhen pa'i phyir rdza ma la sogs pa'i chos byis pas kun brtags pa lus su ma red pa'i rnams ni med pa yin te/ de lta bur lhag mthong gis rab tu mthong na spangs par 'gyur ro/ /de la chos med pa rnams gang zhe
63a2 na/ gang de dag bdag nyid du ma red pa yin te/ mtshan nyid kyi rnam par rtog pa rgyu ba med pa'i chos don gyi rgyu las byung ba de dag yang dag pa dang / yang dag pa ma yin par 'jug pa med par mthong nas/ de'i phyir chos med pa spong bar 'gyur ro/ /yang bdag nyid du ma red pa'i chos rnams
63a3 gang zhe na/ 'di lta ste/ ri bong dang / rnga mo dang / bong bu dang / rta'i rwa dang / mo sham gyi bu la sogs pa'i chos rnams te/ bdag nyid du ma red pa'i phyir de dag ni mtshan nyid du brtag par mi bya'i/ gzhan du na tha snyad kyi don du brjod de/ bum pa la sogs pa ltar mngon par chags
63a4 pas ni ma yin no/ /ji ltar de dag rnam par shes pas gzung du med pa'i phyir spang bar bya ba de bzhin du rnam par rtog pa'i dngos po rnams kyang spang bar bya ba yin te/ de'i phyir chos dang / chos med pa spang ba yin no/ /lang ka'i bdag po khyod kyis chos dang / chos med pa gnyis ji
63a5 lta bur spang bar bya zhes smras pa de ni 'di ltar bshad do/ /gang yang lang ka'i bdag po khyod kyis sngon gyi de bzhin gshegs pa dgra bcom pa yang dag par rdzogs pa'i sangs rgyas rnams la'ang bdag gis dris te/ de dag gis kyang lan blan no zhes smras pa yang / lang ka'i bdag po sngon zhes
63a6 bya ba 'di ni rnam par rtog pa'i tshig te/ 'das pa la'ang 'di ltar 'das pa zhes rnam par rtog go/ /de bzhin du ma 'ongs pa dang / da ltar yang rtog ste/ de bzhin gshegs pa rnams ni de'i chos nyid kyis rnam par mi rtog pa rnam par rtog pa'i spros pa thams cad las 'das pa ste/
63a7 gzugs kyi ngo bo nyid la brtags pa ltar ni ma yin gyi/ gzhan du na ye shes thugs su chud pa bde ba'i don du mtshan ma med pa la spyod pa'i shes rab kyis rnam par sgom mo/ /de'i phyir de bzhin gshegs pa rnams ni ye shes kyi bdag nyid ye shes kyi sku ste/ brtag par mi bya'o/ /gang gis mi brtag
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo