| e-texts navigator |
| བོད་ཡིག |
61a1 pa dgra bcom pa yang dag par rdzogs pa'i sangs rgyas rnams la dri ba gnyis dris so/ /da nga la yang gang nyan thos dang / rang sangs rgyas dang / mu stegs can gyi rnal 'byor la rnal 'byor pa rnams kyis ma myong ba'i dri ba gnyis kyi bye brag khong du chud pa'i mtshan nyid rnam par
61a2 bsgom pa'i phyir dri bar 'dod do/ /'di ltar 'dri bar 'dod pa'i mgrin bcu 'di ni ma 'ongs pa'i rgyal ba rnams la'ang 'dri bar 'gyur ro/ /de nas bcom ldan 'das kyis mkhyen bzhin du/ lang ka'i bdag po la 'di skad ces bka' stsal to/ /lang ka'i bdag po khyod la de bzhin
61a3 gshegs pas skabs phyes/ cod pan rab tu g.yo ba ma sdong bar ci dang ci 'dod pa nga la dris shig dang / ngas dri ba de dang de'i lung bstan pas ji ltar khyod rnam par rtog pa'i gnas shin tu gyur nas/ sa'i mi 'thun pa'i phyogs la mkhas shing rab tu 'byed pa'i blos so so rang gi rig pa'i
61a4 tshul gyis mtshan nyid kyi ting nge 'dzin gyi bde bar gnas pa la rnam par dpyod cing ting nge 'dzin gyi sangs rgyas rnams kyis ni yongs su bzung / zhi ba'i bde ba la ni rnam par gnas te/ nyan thos dang rang sangs rgyas kyi ting nge 'dzin gyi nyes pa las 'das nas mi g.yo ba dang / dge ba'i
61a5 blo gros dang / chos kyi sprin gyi sa la ni rnam par gnas/ chos la bdag med pa'i yang dag pa ji lta ba bzhin la ni rab tu mkhas pas rin po che'i pad mo chen po bting ba la ting nge 'dzin gyi rgyal bas dbang bskur ba thob par 'gyur zhing / de dang rjes su 'thun pa'i pad mo dag la bdag gi
61a6 lus rnam pa sna tshogs su byin gyi rlabs kyis byin du brlabs te/ pad mo de dag la bdag gi lus 'dug pa mthong bar 'gyur ba dang / gcig gis gdong la gcig lta bar yang byed par 'gyur ba dang / de ltar gang gi phyir bsam gyis mi khyab pa'i yul de ni mngon par sgrub pa la
61a7 mkhas pa/ gcig gis mngon par bsgrub pa yin te/ spyod pa'i sa la gnas shing thabs mkhas pas yongs su bzung ba'i mngon par bsgrub pa mngon par bsgrubs pas/ bsam gyis mi khyab pa'i yul de'ang rjes su 'thob par 'gyur ba dang / de bzhin gshegs pa'i sa gzugs
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo