rKTs

e-texts navigator

Volume

Page

60a₁ pa/ thams cad mkhyen pa la byed pa'i mtshan nyid rnam par log pa'i rdzu 'phrul gyis de ltar blta'o/ /de mthong bas ni khong du ma chud pa khong du chud par bya'o/ /rnam par mi rtog pa la spyod pa bde ba'i ting nge 'dzin dang / snyoms par 'jug pas gnas pa de
60a₂ bzhin gshegs pas thugs su chud pa'i sa thob par byed pa bdag gis khong du chud par yang rnam par 'phel bar 'gyur ro snyam mo/ /de nas bcom ldan 'das kyis de'i tshe lang ka'i bdag po ma skyes pa'i chos la bzod pa thob par thugs su chud nas mgrin bcu la thugs brtse ba'i
60a₃ phyir rin po che mang pos brgyan pa/ rin po che'i dra bas bres pa'i bdag gi ri'i rtse mo la mdzes pa de lta bu nyid du bdag nyid bstan nas/ yang lang ka'i bdag po mgrin bcus mthong ba dang / myong ba'i mdzes pa dang / rtse mo la de bzhin gshegs pa dgra bcom pa yang dag
60a₄ par rdzogs pa'i sangs rgyas mtshan rab sum cu rtsa gnyis kyis brgyan pa'i sku dang / ri bo re re la bdag gi lus kyang de bzhin gshegs pa dgra bcom pa yang dag par rdzogs pa'i sangs rgyas rnams kyi spyan snga na 'dug pa dang / de bzhin gshegs pa blo gros chen po dang thabs
60a₅ cig so so rang gis rig pa'i spyod yul gyi gtam mdzad pa dang / gnod sbyin gyis bskor cing bshad pa brjod pa'i gtam gsung ba dang / mgon po dang bcas pa'i zhing de dag kyang mthong bar gyur to/ /de nas bcom ldan 'das kyis de'i tshe sangs rgyas kyi sha'i spyan gyis 'khor la
60a₆ gzigs nas/ seng ge'i rgyal po ltar rnam par bsgyings te/ bzhad mo cher bzhad nas/ mdzod spu dang / rtsib logs dang / brla dang / sked pa'i phyogs dang / dpal gyi be'u dang / spu'i khung bu thams cad nas ni 'od zer rab tu 'byin/ dus kyi mtha'i me bzhin
60a₇ du ni 'bar/ gzi brjid ni 'ja' lta bu/ 'od kyi dkyil 'khor ni nyi ma shar ba dang 'dra bar shin tu 'bar/ brgya byin dang / tshangs pa dang / 'jig rten skyong ba rnams kyis ni nam mkha'i dbyings nas lta zhing ri rab kyi rtse mo la 'gran pa'i zom la bzhugs nas bzhad mo cher bzhad

_{iiif viewer powered by OpenSeadragon}

59b - 60b

Texts on this page