| e-texts navigator |
| བོད་ཡིག |
59a1 la gnas zhing sangs rgyas kyi blos nam mkha' dang nang nas sgra thos pa lang ka'i bdag po legs so legs so/ /yang lang ka'i bdag po khyod ni legs so/ /ji ltar khyod slob pa de ltar rnal 'byor can rnams kyis bslab par bya'o/ /ji ltar khyod kyis
59a2 mthong ba de bzhin nyid du de bzhin gshegs pa rnams dang / chos rnams la blta bar bya'o/ /rnam pa gzhan du bltas na chad pa la gnas par 'gyur ro/ /khyod kyi sems dang yid dang / yid kyi rnam par shes pa dang bral zhing nang du spyod pas/ chos thams cad rnam par
59a3 bsgom par bya ste/ phyi rol gyi don du lta ba la mngon par chags pas ni ma yin no/ /khyod kyis nyan thos dang / rang sangs rgyas dang / mu stegs can gyi mngon par rtogs pa dang / tshig gi don gyi spyod yul du lhung ba'i lta ba dang / ting nge 'dzin du ma yin/ gtam
59a4 dang sgrung la dga' bar ma yin/ rig byed kyi rang bzhin du lta bar ma yin/ rgyal po'i dbang gis dregs pa la lhung bar ma yin/ bsam gtan drug la sogs pa la bsam gtan bar ma yin te/ lang ka'i bdag po 'di ni rgyal ba'i sras rnal 'byor chen po'i rnal 'byor dang
59a5 ldan pa/ pha rol rgol ba rab tu 'joms pa/ lta ba ngan pa sel ba/ bdag tu lta ba rnam par bzlog pa la mkhas pa/ blo zhib cing rnam par shes pa/ shin tu 'gyur ba la mkhas pa/ theg pa chen po la spyod pa rnams kyi dam tshig go/ /de bzhin gshegs pa'i bdag
59a6 gi so so rang gi sa la 'jug pa khong du chud par bya ba'i phyir khyod kyis brtson par gyis shig / de ltar byas na lang ka'i bdag po gang khyod kyis ting nge 'dzin la mkhas pa'i snyoms par 'jug pas yongs su bzung ba'i lam 'di ni phyir zhing gong nas gong du rnam par spyod pa yin te/
59a7 ji ltar byis pa mu stegs can gyi rnal 'byor la rnal 'byor can bdag tu 'dzin par snang ba'i mtshan nyid la mngon par chags pa 'byung ba dang / yon tan dang rdzas kyi rjes su spyod pa/ ma rig pa'i rkyen du lta ba la mngon par chags pas mngon par zhen pa/ stong pa dang / skye
iiif viewer powered by OpenSeadragon
Texts on this page
D107 - 'phags pa lang kar gshegs pa'i theg pa chen po'i mdo