| e-texts navigator |
| བོད་ཡིག |
55b1 ma dag pa dag na dngos po brgyad ni mod la/ gnyis ni dkon te/ 'di lta ste mu stegs can gzhan dang / sems can sdug bsngal ba rnams dang / rigs dang / rus dang / cho rigs dang / 'byor pa dang / rgud pa tha dad pa rnams dang / nyes par spyad pa spyod pa
55b2 rnams dang / tshul khrims ral ba rnams dang / ngan song rnams dang / theg pa dman pa rnams dang / byang chub sems dpa' bsam pa dang sbyor ba dman pa rnams ni mod pa yin la/ byang chub sems dpa' bsam pa dang sbyor ba mchog dang ldan pa rnams kyi spyod pa dang /
55b3 de bzhin gshegs pa rnams 'byung ba ni dkon pa yin no/ /'jam dpal 'jig rten gyi khams yongs su dag pa dag na ni de las bzlog pas/ dngos po brgyad ni dkon la/ gnyis ni mod par rig par bya'o/ /de nas bcom ldan 'das la byang chub sems dpa' 'jam
55b4 dpal gyis 'di skad ces gsol to/ /bcom ldan 'das dgongs pa nges par 'grel pa'i chos kyi rnam grangs 'dir bstan pa 'di'i ming ci lags/ 'di ji ltar gzung bar bgyi/ bcom ldan 'das kyis de la bka' stsal pa/ 'jam dpal 'di de bzhin
55b5 gshegs pa'i bya ba sgrub pa nges pa'i don bstan pa 'di de bzhin gshegs pa'i bya ba sgrub pa nges pa'i don bstan pa zhes bya bar zung shig / de bzhin gshegs pa'i bya ba sgrub pa nges pa'i don bstan pa 'di bshad pa na/ byang chub sems dpa' bdun khri lnga stong gis chos kyi sku yongs su
55b6 rdzogs pa so so yang dag par rig par gyur to/ /bcom ldan 'das kyis de skad ces bka' stsal nas/ 'jam dpal gzhon nur gyur pa dang / thams cad dang ldan pa'i 'khor de dang / lha dang mi dang lha ma yin dang / dri zar bcas pa'i 'jig rten yi rangs te/ bcom ldan 'das
55b7 kyis gsungs pa la mngon par bstod do/ / //'phags pa dgongs pa nges par 'grel pa zhes bya ba theg pa chen po'i yon tan gyi tshogs rnam par nges pa'i le'u zhes bya ba rdzogs so/ /skad gsar chad kyis kyang bcos te gtan la phab pa// //
iiif viewer powered by OpenSeadragon
Texts on this page
D106 - 'phags pa dgongs pa nges par 'grel pa zhes bya ba theg pa chen po'i mdo