| e-texts navigator |
| བོད་ཡིག |
55a1 pa'i phyir/ de la sems can rnams la ye shes kyi snang ba chen po dang / sprul pa'i gzugs brnyan dpag tu med pa dag 'byung gi /rnam par grol ba'i lus 'ba' zhig dag las ni mi 'byung ngo / /bcom ldan 'das de bzhin gshegs pa
55a2 dang / byang chub sems dpa'i byin gyi rlabs kyi mthus/ 'dod pa'i khams kyi mi'i lus phun sum tshogs pa rgyal rigs dang / bram ze'i rigs shing sA la chen po lta bu rnams dang / 'dod pa na spyod pa'i lus phun sum tshogs pa thams cad dang / gzugs na
55a3 spyod pa'i lha'i lus phun sum tshogs pa thams cad dang / gzugs ma mchis pa na spyod pa'i lha'i lus phun sum tshogs pa thams cad gda'o zhes bgyi ba de la bcom ldan 'das dgongs pa gang lags/ 'jam dpal 'di la de bzhin gshegs pa rnams de bzhin gshegs
55a4 pa'i byin gyis brlabs nas/ lam gang dang sgrub pa gang gis thams cad du lus phun sum tshogs pa thams cad 'thob par 'gyur ba'i lam de dang / sgrub pa de ji lta ba bzhin du ston te/ gang dag lam de dang / sgrub pa de sgrub par byed pa de dag ni/ thams cad du
55a5 lus phun sum tshogs pa thams cad 'thob par 'gyur la/ gang dag lam de dang / sgrub pa de'i phyir spong zhing mi snyan par brjod la/ de la yang kun nas mnar sems kyi sems dang khong khro ba'i sems dang ldan zhing 'chi bas dus byed pa de dag ni thams cad du lus ngan pa thams
55a6 cad thob par 'gyur te/ 'jam dpal rnam grangs des na khyod kyis 'di ltar lus phun sum tshogs pa 'ba' zhig de bzhin gshegs pa'i byin gyi rlabs kyi mthu las 'byung ba ma yin gyi/ lus ngan par skye ba yang de bzhin gshegs pa'i byin gyi rlabs kyi mthu las 'byung bar
55a7 rig par bya'o/ /bcom ldan 'das 'jig rten gyi khams yongs su ma dag pa dag na gang ni mod pa lags/ gang ni dkon pa lags/ yongs su dag pa dag na gang ni mod pa lags/ gang ni dkon pa lags/ 'jam dpal 'jig rten gyi khams yongs su
iiif viewer powered by OpenSeadragon
Texts on this page
D106 - 'phags pa dgongs pa nges par 'grel pa zhes bya ba theg pa chen po'i mdo