| e-texts navigator |
| བོད་ཡིག |
53b1 dag pa ji lta ba bzhin du rab tu shes pa de ni gnas ngan len gyi lus rab tu spong zhing / nyon mongs pa thams cad kyi gnas ma yin pa/ shin tu rnam par dag pa/ spros pa med pa/ 'dus ma byas pa/ mngon par 'du bya ba med pa'i lus 'thob par 'gyur te/
53b2 'jam dpal de ni gzungs kyi don ma lus pa yin par rig par bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /kun nas nyon mongs chos dang rnam par byang ba'i chos/ /thams cad byed pa med cing gang zag med pa yin/ /
53b3 de phyir de dag byed pa med par ngas bshad do/ /de dag snga phyir rnam par dag dang nyon mongs min/ /gnas ngan len gyi lus la bag la nyal ba yi/ /lta la brten nas bdag dang bdag gir 'dzin byed de/ /des na mthong ngo za'o byed ces bya ba dang / /nyon
53b4 mongs rnam par byang bar 'gyur ro snyam pa'ang 'byung / /gang gis da ltar yang dag ji bzhin rab shes pa/ /de ni gnas ngan len lus rab tu spong byed cing / /nyon mongs gnas min shin tu dag pa'i lus/ /spros pa med cing 'dus ma byas pa 'thob par 'gyur/ /
53b5 bcom ldan 'das de bzhin gshegs pa'i sems 'byung ba'i mtshan nyid ji lta bur rig par bgyi lags/ 'jam dpal de bzhin gshegs pa rnams ni/ sems dang / yid dang / /rnam par shes pas rab tu phye ba ma yin mod kyi/ 'on kyang de bzhin
53b6 gshegs pa'i sems ni/ mngon par 'du byed pa med par 'byung ste/ sprul pa lta bur rig par bya'o/ /bcom ldan 'das gal te de bzhin gshegs pa rnams kyi chos kyi sku/ /mngon par 'du bgyi ba thams cad dang bral ba lags na/ 'o na ji ltar mngon
53b7 par 'du bgyi ba ma mchis par sems 'byung bar 'gyur lags/ 'jam dpal sngon thabs dang / shes rab bsgom pa mngon par 'dus byas pa'i phyir te/ 'jam dpal 'di lta ste dper na/ gnyid log pa sems med pa la phyir sad par mngon par 'du bya ba
iiif viewer powered by OpenSeadragon
Texts on this page
D106 - 'phags pa dgongs pa nges par 'grel pa zhes bya ba theg pa chen po'i mdo