rKTs

e-texts navigator

Volume

Page

50a₁ phyogs las brtsams te/ dmigs pa la nye bar gtod pa'i dngos po dang / de nyid la rtsol ba'i dngos po dang / sems can gnas pa'i dngos po dang / tshe 'di la bde bar gnas pa'i dngos po dang / sdug bsngal thams cad las yang dag par 'da' ba'i thabs
50a₂ kyi dmigs pa'i dngos po dang / de yongs su shes pa'i dngos po ni phyin ci log gi gnas yongs su shes pa dang / sems can du 'du shes pa las brtsams te phyi rol gyi sems can rnams la log par sgrub pa'i gnas yongs su shes pa dang / nang la mngon pa'i nga rgyal med pa'i
50a₃ gnas yongs su shes pas de yang rnam pa gsum dang / bsgom pa'i gnas kyi dngos po dang / mngon du bya ba'i dngos po dang / bsgom pa'i dngos po dang / de snying por bya ba'i dngos po dang / de'i rnam pa'i dngos po dang / de'i dmigs pa'i dngos po dang / spangs pa dang /
50a₄ ma spangs pa la dpyod pa la mkhas pa'i dngos po dang / de las rnam par g.yeng ba'i dngos po dang / de las rnam par mi g.yeng ba'i dngos po dang / rnam par mi g.yeng ba gnas kyi dngos po dang / bsgom pa las yongs su skyob pa'i sbyor ba gsal ba'i dngos po dang / bsgom
50a₅ pa'i phan yon gyi dngos po dang / de brtan pa'i dngos po dang / 'phags pa'i dbang phyug bsdu ba'i dngos po dang / 'phags pa'i phyogs dang 'khor bsdu ba'i dngos po dang / de kho na rab tu rtogs pa'i dngos po dang / mya ngan las 'das pa yang dag par 'thob pa'i dngos po dang /
50a₆ legs par gsungs pa'i chos 'dul ba la 'jig rten pa'i yang dag pa'i lta ba 'di las phyi rol pa thams cad kyi yang dag pa'i lta ba las spyi bor gyur pa nyid kyi dngos po dang / de mi bsgom pas yongs su nyams pas dngos po ste/ 'jam dpal 'di ltar legs par gsungs pa'i chos
50a₇ 'dul ba la ni mi sgom pas yongs su nyams par 'gyur gyi/ lta ba'i nyes pas ni ma yin no/ /'jam dpal ngas gang du nyan thos rnams dang / byang chub sems dpa' rnams kyi so sor thar pa'am/ so sor thar pa dang ldan pa yongs su bstan pa gang yin pa de ni 'dul ba'i dngos

_{iiif viewer powered by OpenSeadragon}

49b - 50b

Texts on this page