| e-texts navigator |
| བོད་ཡིག |
4b1 dang bang ba'i tshogs snang ba gang yin pa 'di ni med kyi/ gang la glang po che'i tshogs kyi 'du shes dang / glang po che'i tshogs kyi rnam grangs kyi 'du shes 'byung ba dang / nor dang 'bru dang mdzod dang bang ba'i tshogs kyi bar gyi 'du shes dang / de dag gi rnam grangs kyi 'du
4b2 shes 'byung ba sgyu ma byas pa 'di ni yod/ mig slu bar byed pa 'di ni yod do snyam du sems shing / de dag ji ltar mthong ba dang ji ltar thos pa bzhin du de la nan gyis mchog tu bzung zhing mngon par zhen nas 'di ni bden gyi gzhan ni pa'o zhes rjes su tha snyad mi 'dogs
4b3 kyi/ 'di ltar don rnam par rig par bya ba'i phyir rjes su tha snyad 'dogs par byed de/ de ni de dag gis phyis nye bar brtag par bya mi dgos pa yin no/ /de bzhin du sems can gang dag byis pa'i rang bzhin can so so'i skye bor gyur pa/ shes rab 'phags pa 'jig
4b4 rten las 'das pa ma thob pa/ chos thams cad kyi brjod du med pa'i chos nyid mngon par mi shes pa de dag ni 'dus byas dang / 'dus ma byas te mthong ngam thos na/ 'di snyam du sems te/ 'dus byas dang 'dus ma byas snang ba gang yin pa 'di ni yod do snyam du sems
4b5 shing / de dag ji ltar mthong ba dang / ji ltar thos pa bzhin du de la nan gyis mchog tu bzung zhing mngon par zhen nas 'di ni bden gyi gzhan ni pa'o zhes rjes su tha snyad 'dogs par yang byed de/ de ni de dag gis phyis nye bar brtag par bya dgos pa yin no/ /
4b6 de la sems can gang dag byis pa'i rang bzhin can ma yin pa/ bden pa mthong ba/ shes rab 'phags pa 'jig rten las 'das pa thob pa/ chos thams cad kyi brjod du med pa'i chos nyid mngon par shes pa de dag ni/ 'dus byas dang /
4b7 'dus ma byas de mthong ngam/ thos na 'di snyam du sems te/ 'dus byas dang / 'dus ma byas snang ba gang yin pa 'di ni med kyi/ gang la 'dus byas dang / 'dus ma byas kyi 'du shes dang / 'dus byas dang / 'dus ma byas kyi rnam grangs kyi
iiif viewer powered by OpenSeadragon
Texts on this page
D106 - 'phags pa dgongs pa nges par 'grel pa zhes bya ba theg pa chen po'i mdo