rKTs

e-texts navigator

Volume

Page

46a₁ gsum po dag la ngo bo nyid med pa'i don kyang yang dag pa ji lta ba bzhin du rab tu shes pa dang / rig pa'i gnas lnga po dag la kun rdzob kyi bden pa'i don kyang yang dag pa ji lta ba bzhin du rab tu shes pa dang / de bzhin nyid rnam pa bdun la don dam pa'i bden pa'i don kyang yang
46a₂ dag pa ji lta ba bzhin du rab tu shes pa dang / rnam par mi rtog cing spros pa med la tshul gcig tu de la mang du gnas pa dang / 'dres pa tshad med pa'i chos la dmigs pa'i lhag mthong gis chos kyi rjes su 'thun pa'i chos sgrub pa yang dag par sgrub par byed pa de ni shes rab rnam par dag pa
46a₃ rnam pa bdun yin par rig par bya'o/ /bcom ldan 'das rnam pa lnga po de dag gi so so'i las gang lags/ spyan ras gzigs dbang phyug de dag gi las kyang rnam pa lngar rig par bya ste/ chags pa med pa nyid kyis ni byang chub sems dpa' tshe 'di la pha rol tu phyin pa rnams la rtag tu
46a₄ byed pa dang / gus par byed pa'i sbyor bas bag yod par byed do/ /mi lta ba nyid kyis ni phyi mar de dag la bag yod pa'i rgyu yongs su 'dzin par byed do/ /kha na ma tho ba med pa nyid kyis ni pha rol tu phyin pa shin tu yongs su rdzogs pa dang / yongs su dag pa dang / yongs su byang ba dag
46a₅ sgom par byed do/ /rnam par mi rtog pa nyid kyis ni thabs la mkhas pa des myur du pha rol tu phyin pa yongs su rdzogs par byed do/ /yongs su bsngo ba nyid kyis ni bla na med pa yang dag par rdzogs pa'i byang chub kyi bar du tshe rabs thams cad du rnam par smin pa'i 'bras bu 'dod pa dang bcas
46a₆ pa'i pha rol tu phyin pa mi zad pa nyid 'thob par byed do/ /bcom ldan 'das pha rol tu phyin pa de dag gi rgya che ba nyid gang lags/ spyan ras gzigs dbang phyug chags pa med pa nyid dang / mi lta ba nyid dang / yongs su bsngo ba nyid gang yin pa'o/ /kun nas nyon mongs pa ma mchis pa
46a₇ gang lags/ kha na ma tho ba med pa nyid dang / rnam par mi rtog pa nyid gang yin pa'o/ /sbyangs pa nyid gang lags/ so sor brtag cing bya ba nyid gang yin pa'o/ /mi g.yo ba nyid gang lags/ sar chud pa rnams kyi yongs su mi nyams pa'i chos nyid gang yin pa'o/ /shin tu rnam par

_{iiif viewer powered by OpenSeadragon}

45b - 46b

Texts on this page