rKTs

e-texts navigator

Volume

Page

44b₁ rnam pa drug du rig par bya ste/ longs spyod chen po nyid dang / bde 'gror 'gro ba dang / kho na med cing dbyen med la bde ba dang yid bde ba mang ba dang / sems can gyi bdag po dang / lus la gnod pa med pa dang / dbang che bar grags pa'o/ /bcom ldan 'das pha rol tu
44b₂ phyin pa de dag la kun nas nyon mongs pa can gyi chos dang 'dres pa gang lags/ spyan ras gzigs dbang phyug de ni sbyor ba bzhis rig par bya ste/ snying rje med pa'i sbyor ba dang / tshul bzhin ma yin pa'i sbyor ba dang / rtag tu mi byed pa'i sbyor ba dang / gus par mi byed pa'i
44b₃ sbyor bas so/ /de la tshul bzhin ma yin pa'i sbyor ba ni 'di yin te/ de las gzhan pa'i pha rol tu phyin pa dag la de las gzhan pa'i pha rol tu phyin pa'i sgom pa nyams pa gang yin pa'o/ /bcom ldan 'das thabs ma lags pa gang lags/ spyan ras gzigs dbang phyug
44b₄ byang chub sems dpa' pha rol tu phyin pa de dag gis sems can rnams la phan 'dogs pa na/ gal te zang zing gis phan 'dogs pa nye bar sgrub pa tsam gyis chog par 'dzin cing mi dge ba'i gnas las bslang ste/ dge ba'i gnas su 'jog par mi byed na/ de ni thabs ma
44b₅ yin pa yin no/ /de ci'i phyir zhe na/ spyan ras gzigs dbang phyug de tsam gyis sems can la phan gdags pa ma yin pa'i phyir te/ 'di lta ste dper na/ mi gtsang ba ni che yang rung chung yang rung ste/ rnam grangs gang gis kyang dri zhim por bya bar mi nus so/ /de bzhin
44b₆ du 'du byed kyi sdug bsngal nyid kyi rang bzhin gyis sdug bsngal bar gyur pa'i sems can rnams kyang zang zing gis phan gdags pa nye bar sgrub pa tsam gyi rnam grangs kyis kyang bde bar byar mi nus kyi/ dge ba la 'jog pa gang yin pa de ni de dag la phan 'dogs pa'i mchog kho na
44b₇ yin no/ /bcom ldan 'das pha rol tu phyin pa de dag gi rnam par dag pa du mchis lags/ spyan ras gzigs dbang phyug nga ni rnam pa lnga po de dag ma gtogs par pha rol tu phyin pa rnams kyi rnam par dag pa gzhan yod par mi smra mod kyi/ 'on kyang de dag nyid la brten nas pha

_{iiif viewer powered by OpenSeadragon}

44a - 45a

Texts on this page