rKTs

e-texts navigator

Volume

Page

44a₁ shes rab rnam pa gsum ni kun rdzob kyi bden pa la dmigs pa dang / don dam pa'i bden pa la dmigs pa dang / sems can gyi don la dmigs pa'o/ /bcom ldan 'das ci'i slad du pha rol tu phyin pa de dag pha rol tu phyin pa rnams zhes bgyi lags/
44a₂ spyan ras gzigs dbang phyug lnga'i phyir te/ chags pa med pa nyid dang / mi lta ba nyid dang / kha na ma tho ba med pa nyid dang / rnam par mi rtog pa nyid dang / yongs su bsngo ba nyid kyi phyir ro/ /de la chags pa med pa nyid ni pha rol tu phyin pa dang mi 'thun pa'i dngos po la
44a₃ lhag par chags pa med pa gang yin pa'o/ /de la mi lta ba nyid ni pha rol tu phyin pa'i 'bras bu rnam par smin pa dang / lan du phan 'dogs pa dang 'brel ba'i sems med pa gang yin pa'o/ /de la kha na ma tho ba med pa nyid ni pha rol tu phyin pa de dag kun nas nyon mongs pa can
44a₄ gyi chos dang ma 'dres shing thabs ma yin pa rnam par spangs pa gang yin pa'o/ /de la rnam par mi rtog pa nyid ni pha rol tu phyin pa de dag gi rang gi mtshan nyid la sgra ji bzhin du mngon par zhen pa med pa gang yin pa'o/ /de la yongs su bsngo ba nyid ni pha rol tu phyin pa de dag nyid
44a₅ byas shing bsags pa byang chub sems dpa'i 'bras bur smon pa gang yin pa'o/ /bcom ldan 'das pha rol tu phyin pa dang mi 'thun pa'i dngos po gang lags/ spyan ras gzigs dbang phyug de dag ni dngos po drug tu rig par bya ste/ 'dod pa'i dga' ba dang longs spyod dang
44a₆ dbang phyug dang bdag nyid kyi bsod nyams la yon tan gyi phan yon du lta ba dang / lus dang ngag dang yid kyi 'dod dgur kun tu spyod pa dang / brnyas pa mi bzod pa dang mi brtson pas bsod nyams dang 'du 'dzi dang / 'jig rten gyi las sna tshogs dang rnam par g.yeng ba la
44a₇ 'jug pa dang / mthong ba dang thos pa dang / bye brag phyed pa dang / rnam par shes pa'i tha snyad kyi spros pa dag la yon tan gyi phan yon du lta ba'o/ /bcom ldan 'das pha rol tu phyin pa de dag gi rnam par smin pa'i 'bras bu gang lags/ spyan ras gzigs dbang phyug de yang

_{iiif viewer powered by OpenSeadragon}

43b - 44b

Texts on this page