rKTs

e-texts navigator

Volume

Page

43a₁ gtan gyis ni nyon mongs pa rnams rnam par gnon to/ /shes rab kyis ni bag la nyal legs par 'joms par byed de/ de gsum ni nyon mongs pa'i gnyen po yin no/ /bcom ldan 'das ci'i slad du pha rol tu phyin pa gzhan dag grangs bzhir gdags par
43a₂ rig par bgyi lags/ spyan ras gzigs dbang phyug pha rol tu phyin pa drug po de dag nyid kyi grogs su gyur pa nyid yin pa'i phyir te/ de la pha rol tu phyin pa gsum gyis sems can rnams la phan btags nas byang chub sems dpas bsdu ba'i dngos pos zin pa'i thabs la
43a₃ mkhas pas dge ba la 'jog par byed de/ de'i phyir ngas thabs mkhas pa'i pha rol tu phyin pa ni gsum po dag gi grogs su gyur pa yin par yongs su bstan to/ /spyan ras gzigs dbang phyug gal te byang chub sems dpa' tshe 'di la nyon mongs pa mang bas rtag tu sgom mi
43a₄ nus pa dang / khams dang mos pa dma' ba'i phyir lhag pa'i bsam pa stobs chung bas sems nang du 'jog mi nus pa dang / byang chub sems dpa'i sde snod thos pa'i dmigs pa la bsam gtan yongs su ma bsgoms pas 'jig rten las 'das pa'i shes rab mngon par sgrub
43a₅ mi nus pa yin na/ de bsod nams kyi tshogs chung ngu yang yang dag par blangs te gnas shing phyi ma la nyon mongs pa chung ba nyid du yid kyis smon par byed pa de ni de'i smon lam gyi pha rol tu phyin pa yin te/ des nyon mongs pa chung ba dang / brtson 'grus rtsom nus par 'gyur bas/
43a₆ de'i phyir smon lam gyi pha rol tu phyin pa ni brtson 'grus kyi pha rol tu phyin pa'i grogs su gyur pa yin no/ /des skyes bu dam pa yang dag par bsten pa dang dam pa'i chos mnyan pa la brten nas tshul bzhin yid la byed pa thob cing lhag pa'i bsam pa stobs chung ba nyid rnam par
43a₇ bzlog nas khams gya nom pa las bsam pa'i stobs thob par 'gyur ba de ni de'i stobs kyi pha rol tu phyin pa yin te/ des sems nang du 'jog nus pas de'i phyir stobs kyi pha rol tu phyin pa'i bsam gtan gyi pha rol tu phyin pa'i grogs su gyur pa yin no/ /de la byang chub sems

_{iiif viewer powered by OpenSeadragon}

42b - 43b

Texts on this page