rKTs

e-texts navigator

Volume

Page

40a₁ bo/ /de yan lag des yongs su rdzogs pa yin yang mtshan ma med par gnas pa de la rtsol ba lhag par btang snyoms su bzhag pa dang / mtshan ma la dbang thob par mi nus pas de yan lag des yongs su ma rdzogs pa yin te/ de yan lag de yongs su
40a₂ rdzogs par bya ba'i phyir 'bad pas de yang 'thob bo/ /de yan lag des yongs su rdzogs pa yin yang rnam grangs dang / mtshan nyid dang / nges pa'i tshig dang / rab tu dbye bas rnam pa thams cad du chos ston pa la'ang dbang thob par mi nus pas de yan lag des yongs su ma rdzogs pa
40a₃ yin te/ de yan lag de yongs su rdzogs par bya ba'i phyir 'bad pas de yang 'thob bo/ /de yan lag des yongs su rdzogs pa yin yang chos kyi sku yongs su rdzogs pa so sor yang dag par rig pa 'thob par mi nus pas de yan lag des yongs su ma rdzogs pa yin te/ de yan lag de
40a₄ yongs su rdzogs par bya ba'i phyir 'bad pas de yang 'thob bo/ /de yan lag de yongs su rdzogs pa yin yang shes bya thams cad la chags pa med pa dang / thogs pa med pa'i shes pa dang / mthong ba thob par mi nus pas de yan lag des yongs su ma rdzogs pa yin te/ de yan
40a₅ lag de yongs su rdzogs par bya ba'i phyir 'bad pas de yang 'thob ste/ de yan lag de yongs su rdzogs pa yin no/ /de yan lag des yongs su rdzogs pa'i phyir yan lag thams cad yongs su rdzogs pa yin te/ spyan ras gzigs dbang phyug de dag ni yan lag bcu gcig po de dag gis
40a₆ bsdus par rig par bya'o/ /bcom ldan 'das ci'i slad du sa dang po la rab tu dga' ba zhes bgyi/ ci'i slad du sangs rgyas kyi sa'i bar la sangs rgyas kyi sa zhes bgyi lags/ sa dang po ni don che ba 'dris pa ma yin pa 'jig rten las 'das pa'i sems thob pas dga' ba dang / mchog
40a₇ tu dga' ba rgya che ba'i phyir rab tu dga' ba zhes bya'o/ /sa gnyis pa ni ltung ba phra mo dang 'chal pa'i tshul khrims kyi dri ma thams cad dang bral ba nyid kyi phyir dri ma med pa zhes bya'o/ /sa gsum pa ni ting nge 'dzin de dang thos pa'i gzungs de shes pa'i snang ba tshad med pa'i gnas nyid yin

_{iiif viewer powered by OpenSeadragon}

39b - 40b

Texts on this page