| e-texts navigator |
| བོད་ཡིག |
3a1 dang / bde ba chen pos brtan pa/ 'jigs pa chen po lnga las yang dag par 'das pa/ phyir mi ldog pa'i sa bgrod pa gcig par gyur pa/ sems can thams cad kyi gnod pa thams cad rab tu zhi bar byed pa'i sa mngon du gyur pa sha stag
3a2 la 'di lta ste/ byang chub sems dpa' sems dpa' chen po don zab dgongs pa nges par 'grel dang / tshul bzhin kun 'dri dang / chos 'phags dang / blo gros shin tu rnam dag dang / blo gros yangs pa dang / yon tan 'byung gnas dang / don dam yang dag
3a3 'phags dang / 'phags pa spyan ras gzigs dbang phyug dang / byams pa dang / byang chub sems dpa' sems dpa' chen po 'jam dpal la sogs pa dang thabs cig go/ /de nas byang chub sems dpa' tshul bzhin kun 'dris kyis brjod du med pa dang / gnyis
3a4 su med pa'i mtshan nyid don dam pa las brtsams te/ byang chub sems dpa' don zab dgongs pa nges par 'grel pa la dri ba dris pa/ kye rgyal ba'i sras chos thams cad gnyis su med pa chos thams cad gnyis su med pa zhes bya na/ chos thams cad ni gang / ji
3a5 ltar na gnyis su med pa yin/ rigs kyi bu chos thams cad chos thams cad ces bya ba ni gnyis ji tsam pa ste/ 'dus byas dang / 'dus ma byas so/ /de la 'dus byas ni 'dus byas kyang ma yin/ 'dus ma byas kyang ma yin no/ /'dus ma byas ni 'dus ma byas
3a6 kyang ma yin/ 'dus byas kyang ma yin no/ /smras pa/ kye rgyal ba'i sras ji ltar na 'dus byas ni 'dus byas kyang ma yin/ 'dus ma byas kyang ma yin la/ 'dus ma byas kyang 'dus ma byas kyang ma yin/ 'dus byas kyang ma yin/ rigs kyi bu 'dus byas zhes bya ba de ni ston pas btags pa'i tshig yin
3a7 te/ ston pas btags pa'i tshig gang yin pa de ni/ kun tu rtog pa las byung ba tha snyad du brjod pa yin la/ kun tu rtog pa las byung ba tha snyad du brjod pa gang yin pa de ni/ kun tu rtog pa sna tshogs kyi tha snyad du brjod pa gtan yongs su ma grub pa'i phyir 'dus byas ma yin
iiif viewer powered by OpenSeadragon
Texts on this page
D106 - 'phags pa dgongs pa nges par 'grel pa zhes bya ba theg pa chen po'i mdo