rKTs

e-texts navigator

Volume

Page

39a₁ kyi mig rdul med cing dri ma dang bral ba rnam par dag go/ /nyan thos 'bum lnga khri ni len pa med par zag pa rnams las sems rnam par grol lo/ /byang chub sems dpa' bdun khri lnga stong gis ni rnal 'byor chen po'i yid la byed pa thob par gyur to/ /
39a₂ byams pa'i le'u ste brgyad pa'o// //de nas bcom ldan 'das la byang chub sems dpa' spyan ras gzigs kyi dbang phyug gis zhu ba zhus pa/ bcom ldan 'das byang chub sems dpa' rnams kyi sa bcu gang lags pa de dag ni 'di lta ste/ byang chub sems dpa'i
39a₃ sa rab tu dga' ba zhes bgyi ba dang / dri ma med pa dang / 'od byed pa dang / 'od 'phro ba can dang / shin tu sbyang dka' dang / mngon du gyur pa dang / ring du song ba dang / mi g.yo ba dang / legs pa'i blo gros dang / chos kyi sprin lags/ sangs rgyas kyi sa ni bcu
39a₄ gcig pa lags na/ sa de dag rnam par dag pa du dag dang / yan lag du dag gis bsdus lags/ bcom ldan 'das kyis bka' stsal pa/ spyan ras gzigs dbang phyug de dag ni rnam par dag pa bzhi dang / yan lag bcu gcig gis bsdus par rig par bya'o/ /
39a₅ spyan ras gzigs dbang phyug de la sa dang po ni bsam pa rnam par dag pas bsdus so/ /sa gnyis pa ni lhag pa'i tshul khrims rnam par dag pas so/ /sa gsum pa ni lhag pa'i sems rnam par dag pas so/ /sa bzhi pa nas bzung ste sangs rgyas kyi sa'i bar ni lhag pa'i
39a₆ shes rab rnam par dag pa gong nas gong du gya nom pa bas kyang ches gya nom pas bsdus par rig par bya ste/ sa de dag ni rnam par dag pa bzhi po dag gis bsdus pa yin no/ /yan lag bcu gcig gang zhe na/ spyan ras gzigs dbang phyug mos pas spyod pa'i sa la byang
39a₇ chub sems dpa' chos spyad pa rnam pa bcu po dag la mos pa shin tu bsgoms pa'i phyir bzod pas sa de las yang dag par 'das nas byang chub sems dpa'i yang dag pa nyid skyon med pa la 'jug go/ /de yan lag des yongs su rdzogs pa yin yang ltung ba phra mo'i 'khrul pa kun

_{iiif viewer powered by OpenSeadragon}

38b - 39b

Texts on this page