| e-texts navigator |
| བོད་ཡིག |
38b1 pa dang / yongs su dag par bstan te/ 'das pa dang ma 'ongs pa'i yang dag par rdzogs pa'i sangs rgyas gang dag yin pa de dag thams cad kyis kyang de ltar bstan cing ston par 'gyur ro/ /rigs kyi bu rnams dang / rigs kyi bu mo dag gis 'di la shin tu brtson par bya
38b2 ba'i rigs so/ /de nas bcom ldan 'das kyis de'i tshe tshigs su bcad pa 'di dag bka' stsal to/ /chos rnams gdags pa rnam gzhag gang yin pa/ /de ni rnal 'byor bag yod don chen yin/ /gang dag chos der brten nas rnal 'byor 'dir/ /yang dag brtson
38b3 pa de dag byang chub 'thob/ /gang dag glags lta de skad rgol ba las/ /thar par lta ba chos kun chub byed pa/ /byams pa de dag rnal 'byor 'di las ni/ /thag ring gnam sa ring ba ji bzhin no/ /blo ldan sems can don zhes de dag
38b4 las/ /lan byed rig nas sems can don brtson min/ /lan de rtog na kun gyi dam pa dang / /zang zing med pa'i dga' ba 'thob mi 'gyur/ /gang dag 'dod phyir chos kyi lung 'bogs pa/ /de dag 'dod pa spangs pa phyir len te/ /rmongs pa de dag chos kyi
38b5 rin po che/ /rin thang med pa rnyed kyang spong zhing rgyu/ /de phyir rtsod dang 'du 'dzi spros ldan pa/ /rnam par spongs te brtson 'grus mchog byos te/ /lhar bcas 'jig rten bsgral bar bya ba'i phyir/ /rnal 'byor 'di la rab tu brtson par gyis/ /de nas bcom ldan 'das la byang
38b6 chub sems dpa' byams pas 'di skad ces gsol to/ /bcom ldan 'das dgongs pa nges par 'grel pa'i chos kyi rnam grangs 'dir bstan pa 'di'i ming ci lags/ 'di ji ltar gzung bar bgyi/ bcom ldan 'das kyis de la bka' stsal pa/ byams pa 'di ni rnal 'byor nges
38b7 pa'i don bstan pa yin te/ rnal 'byor nges pa'i don bstan pa zhes bya bar zung shig /rnal 'byor nges pa'i don bstan pa 'di bshad pa na srog chags drug 'bum ni bla na med pa yang dag par rdzogs pa'i byang chub tu sems skyes so/ /nyan thos sum 'bum ni chos rnams la chos
iiif viewer powered by OpenSeadragon
Texts on this page
D106 - 'phags pa dgongs pa nges par 'grel pa zhes bya ba theg pa chen po'i mdo