rKTs

e-texts navigator

Volume

Page

35a₁ kyang zhi gnas dang lhag mthong gi 'bras bu yin par rig par bya'o/ /bcom ldan 'das zhi gnas dang lhag mthong gi las ci lags/ byams pa 'ching ba rnam pa gnyis po mtshan ma'i 'ching ba dang / gnas ngan len gyi 'ching ba las rnam par thar par byed pa yin
35a₂ no/ /bcom ldan 'das bcom ldan 'das kyis gegs rnam pa lnga gsungs pa gang dag lags pa de dag las du ni zhi gnas kyi gegs dag lags/ du ni lhag mthong gi gegs dag lags/ du ni gnyi ga'i gegs dag lags/ byams pa lus dang longs spyod la lta ba ni zhi gnas
35a₃ kyi gegs yin no/ /'phags pa'i gtam 'dod pa bzhin ma thob pa ni lhag mthong gi gegs yin no/ /'dres par gnas pa dang / cung zad tsam gyis chog par 'dzin pa ni de gnyi ga'i gegs yin te/ de la yang gcig gis kyang sbyor bar mi byed do/ /cig shos kyis ni sbyor ba
35a₄ mthar thug par mi 'gyur ro/ /bcom ldan 'das sgrib pa lnga po gang dag lags pa de dag las du ni zhi gnas kyi sgrib pa dag lags/ du ni lhag mthong gi sgrib pa dag lags/ du ni gnyi ga'i sgrib pa dag lags/ byams pa rgod pa dang 'gyod pa ni zhi gnas kyi sgrib pa yin no/ /
35a₅ rmugs pa dang gnyid dang / the tsom ni lhag mthong gi sgrib pa yin no/ /'dod pa la 'dun pa dang gnod sems ni gnyi ga'i sgrib pa yin no/ /bcom ldan 'das ci tsam gyis na zhi gnas kyi lam yongs su dag pa lags/ byams pa gang gi tshe rmugs pa dang gnyid legs par rab tu
35a₆ choms par gyur pa'o/ /bcom ldan 'das ji tsam gyis na lhag mthong gi lam yongs su dag pa lags/ byams pa gang gi tshe rgod pa dang 'gyod pa legs par rab tu choms par gyur pa'o/ /bcom ldan 'das byang chub sems dpa' zhi gnas dang lhag mthong la zhugs pas rnam pa du
35a₇ dag gis sems rnam par g.yeng bar 'tshal bar bgyi lags/ bka' stsal pa/ byams pa rnam pa lngas te/ yid la byed pa'i rnam par g.yeng ba dang / phyi rol du sems rnam par g.yeng ba dang / nang du sems rnam par g.yeng ba dang / mtshan ma'i rnam par g.yeng ba dang /

_{iiif viewer powered by OpenSeadragon}

34b - 35b

Texts on this page