rKTs

e-texts navigator

Volume

Page

33b₁ pa de las bzlog par ni nus pa de bzhin du ma bsgoms pa'i sems kyis yang dag pa ji lta ba bzhin shes par mi nus kyi/ bsgoms pas ni nus so zhes bka' stsal pa gang lags pa de la sems kyis so sor brtag pa ni gang lags/ de bzhin nyid ni gang las dgongs te bka' stsal pa ni gang lags/
33b₂ bka' stsal pa/ byams pa sems kyis so sor brtag pa rnam pa gsum gyi phyir te/ thos pa las byung ba'i sems kyis so sor brtag pa dang / bsams pa las byung ba'i sems kyis so sor brtag pa dang / bsgoms pa las byung ba'i sems kyis so sor brtag pa'o/ /rnam par rig pa'i
33b₃ de bzhin nyid las dgongs te yongs su bstan pa yin no/ /bcom ldan 'das byang chub sems dpa' de ltar chos dang don so sor yang dag par rig pa dang / mtshan ma rnam par sel ba la zhugs pa'i mtshan ma du zhig ni bka' stsal pa lags la/ gang gis ni de dag rnam par sel lags/
33b₄ byams pa bcu ste/ de dag ni stong pa nyid kyis rnam par sel lo/ /bcu gang zhe na/ chos kyi don so sor yang dag par rig par byed pa'i tshig dang / yi ge'i mtshan ma sna tshogs gang yin pa de ni chos thams cad stong pa nyid kyis rnam par sel lo/ /gnas pa'i de bzhin nyid kyis don so
33b₅ sor yang dag par rig par byed pa'i skye ba dang / 'jig pa dang / gnas pa dang / gzhan du 'gyur ba nyid kyi rgyun gyi rjes su 'jug pa'i mtshan ma gang yin pa de ni mtshan nyid stong pa nyid dang / thog ma dang tha ma med pa stong pa nyid kyis rnam par sel lo/ /'dzin pa'i don so sor yang dag
33b₆ par rig par byed pa'i 'jig tshogs la lta ba'i mtshan ma dang / nga'o snyam pa'i mtshan ma gang yin pa de ni nang stong pa nyid dang / mi dmigs pa stong pa nyid kyis rnam par sel lo/ /gzung ba'i don so sor yang dag par rig par byed pa'i longs spyod la lta ba'i mtshan ma gang yin pa
33b₇ de ni phyi stong pa nyid kyis rnam par sel lo/ /yongs su longs spyod pa'i don du skyes pa dang / bud med kyi bsnyen bkur dang yo byad dang ldan pa so sor yang dag par rig par byed pa'i nang gi bde ba'i mtshan ma dang / phyi rol gyi sdug pa'i mtshan ma gang yin pa de ni phyi stong pa nyid dang / rang

_{iiif viewer powered by OpenSeadragon}

33a - 34a

Texts on this page