rKTs

e-texts navigator

Volume

Page

33a₁ yin no zhes bcom ldan 'das kyis bka' stsal to/ /bcom ldan 'das byang chub sems dpa' zhi gnas dang / lhag mthong sgom pa chos so sor yang dag par rig pa dang / don so so yang dag par rig pa'i shes pa ni gang lags/ mthong ba ni gang lags/
33a₂ byams pa nga ni shes pa dang / mthong ba rnam grangs du mas ston par byed mod kyi/ 'on kyang mdor bsdus te bshad par bya'o/ /'dres pa'i chos la dmigs pa'i zhi gnas dang / lhag mthong gi shes rab gang yin pa de ni shes pa yin no/ /ma 'dres pa'i chos la dmigs pa'i zhi gnas
33a₃ dang / lhag mthong gi shes rab gang yin pa de ni mthong ba yin no/ /bcom ldan 'das byang chub sems dpa' zhi gnas dang / lhag mthong sgom pas yid la bgyid pa gang gis mtshan ma gang ji ltar rnam par sel bar bgyid lags/ byams pa de bzhin nyid yid la byed pas chos kyi
33a₄ mtshan ma dang / don gyi mtshan ma rnam par sel bar byed la/ ming la ming gi ngo bo nyid mi dmigs shing de'i gnas mtshan ma yang dag par rjes su mi mthong bas rnam par sel lo/ /ming la ji lta ba bzhin du tshig dang / yi ge dang / don thams cad la yang de bzhin du rig par bya'o/ /
33a₅ byams pa khams kyi bar la khams kyi ngo bo nyid mi dmigs shing / de'i gnas kyi mtshan ma yang yang dag par rjes su mi mthong bas rnam par sel lo/ /bcom ldan 'das ci lags de bzhin nyid kyi don so sor yang dag par rig pa'i mtshan ma gang lags pa de yang rnam par sel
33a₆ bar bgyid lags sam/ byams pa de bzhin nyid kyi don so so yang dag par rig pa la ni mtshan ma med de mi dmigs na/ de la ci zhig rnam par sel bar 'gyur te/ byams pa de bzhin nyid kyi don so so yang dag par rig pas ni chos dang don gyi mtshan ma thams cad zil gyis
33a₇ gnon gyi de ni gang gis kyang zil gyis mnan par bya ba yin par nga mi smra'o/ /bcom ldan 'das bcom ldan 'das kyis chab rnyog pa can mchis pa'i snod kyi dpe dang / me long yongs su ma dag pa'i dpe dang / mtshe'u 'khrugs pa'i dpes ji ltar rang bzhin gyi mtshan ma brtag par mi nus

_{iiif viewer powered by OpenSeadragon}

32b - 33b

Texts on this page