rKTs

e-texts navigator

Volume

Page

32b₁ mtshan nyid dang / yongs su shes pa la sogs pa'i bar du gcod pa'i chos kyi mtshan nyid dang / rjes su 'thun pa'i chos kyi mtshan nyid dang / yongs su mi shes pa la sogs pa dang / yongs su shes pa la sogs pa'i nyes dmigs dang / phan yon gyi mtshan nyid do/ /byams
32b₂ pa de la khams kyi don ni khams lnga ste/ 'jig rten gyi khams dang / sems can gyi khams dang / chos kyi khams dang / 'dul ba'i khams dang / 'dul ba'i thabs kyi khams te/ byams pa don rnam pa gsum po de dag gis kyang don thams cad bsdus par rig par bya'o/ /bcom
32b₃ ldan 'das thos pa las byung ba'i shes rab kyis don so so yang dag par rig pa gang lags pa dang / bsams pa las byung ba'i shes rab kyis don so so yang dag par rig pa gang lags pa dang / bcom ldan 'das zhi gnas dang lhag mthong bsgoms pa las byung ba'i shes rab kyis don so so
32b₄ yang dag par rig pa gang lags pa de dag la tha dad du bgyi ba ci mchis lags/ bka' stsal pa/ byams pa byang chub sems dpas thos pa las byung ba'i shes rab kyis ni tshig 'bru la gnas pa/ sgra ji bzhin pa/ dgongs pa med pa/ mngon du ma gyur pa/ rnam par thar pa'i
32b₅ rjes su 'thun pa/ rnam par thar par byed pa ma yin pa'i don so so yang dag par rig par byed do/ /byams pa bsams pa las byung ba'i shes rab kyis ni tshig 'bru la gnas pa kho na yin la/ sgra ji bzhin ma yin pa/ dgongs pa can/ mngon du gyur pa/ rnam par thar pa'i rjes
32b₆ su ches 'thun pa/ rnam par thar par byed pa ma yin pa'i don so so yang dag par rig par byed do/ /byams pa byang chub sems dpas bsgoms pa las byung ba'i shes rab kyis ni tshig 'bru la gnas pa dang / tshig 'bru la gnas pa ma yin pa dang / sgra ji bzhin pa dang / dgongs
32b₇ pa can dang / shes bya'i dngos po dang cha 'thun pa'i ting nge 'dzin gyi spyod yul gyi gzugs brnyan gyis mngon du gyur pa/ rnam par thar pa'i rjes su ches shin tu 'thun pa/ rnam par thar par byed pa'i don kyang so sor yang dag par rig par byed do/ /byams pa de dag gi tha dad du bya ba ni de

_{iiif viewer powered by OpenSeadragon}

32a - 33a

Texts on this page