rKTs

e-texts navigator

Volume

Page

30a₁ la gcig tu nges pa'am/ zung du 'brel ba'i lam yang rung ste/ de gnyi ga'i nye ba'i nyon mongs pas nye bar nyon mongs pa med pa la sems rang gi ngang gis 'jug pa na yid la byed pa lhun gyis grub pa gang yin pa de ni btang snyoms kyi rgyu mtshan zhes bya'o/ /bcom
30a₂ ldan 'das byang chub sems dpa' zhi gnas dang lhag mthong bsgom pa/ chos so sor yang dag par rig pa dang / don so sor yang dag par rig pa lags na/ ji ltar chos so sor yang dag par rig pa lags/ ji ltar don so sor yang dag par rig pa lags/ byams pa rnam
30a₃ pa lngas so sor yang dag par rig pa yin te/ ming dang tshig dang yi ge dang so so ba dang bsdus pas so/ /ming gang zhe na/ kun nas nyon mongs pa dang / rnam par byang ba'i chos rnams la ngo bo nyid dang / bye brag gi ming du bya bar btags pa gang yin pa'o/ /tshig gang zhe na/
30a₄ kun nas nyon mongs pa dang / rnam par byang ba pa'i don rjes su tha snyad gdags pa'i phyir gnas dang rten ming de dag nyid kyi tshogs la brten pa gang yin pa'o/ /yi ge gang zhe na/ de gnyi ga'i gnas kyi yig 'bru gang yin pa'o/ /de dag so so las so so yang dag par rig pa
30a₅ gang zhe na/ ma 'dres pa la dmigs pa'i yid la byed pas so so yang dag par rig pa gang yin pa'o/ /bsdus pa las so so yang dag par rig pa gang zhe na/ 'dres pa la dmigs pa'i yid la byed pas so sor yang dag par rig pa gang yin pa'o/ /de dag thams cad
30a₆ gcig tu bsdu na chos so so yang dag par rig pa zhes bya ste/ de ltar na chos so sor yang dag par rig pa yin no/ /byang chub sems dpa' rnam pa bcus don so so yang dag par rig pa yin te/ ji snyed yod pa nyid dang / ji lta ba bzhin du yod pa nyid dang / 'dzin pa'i don
30a₇ dang / gzung ba'i don dang / gnas pa'i don dang / longs spyod kyi don dang / phyin ci log gi don dang / phyin ci ma log pa'i don dang / kun nas nyon mongs pa'i don dang / rnam par byang ba'i don gyis so/ /byams pa de la kun nas nyon mongs pa dang / rnam par byang

_{iiif viewer powered by OpenSeadragon}

29b - 30b

Texts on this page