rKTs

e-texts navigator

Volume

Page

29a₁ yid la byed pa'i zhi gnas dang lhag mthong ni 'dres pa chung ngu'i chos la dmigs pa yin par rig par bya'o/ /mdo'i sde la sogs pa de dag nyid ji snyed bzung ba dang / bsams pa so sor gcig tu bzlums te yid la byed pa ni 'dres pa chen por gyur pa'i
29a₂ chos la dmigs pa yin par rig par bya'o/ /de bzhin gshegs pa rnams kyi chos bstan pa tshad med pa rnams dang / chos kyi tshig dang / yi ge tshad med pa rnams dang / gong nas gong du shes rab dang / spobs pa tshad med pa rnams gcig tu bzlums te yid la byed
29a₃ pa'i ni 'dres pa tshad med pa'i chos la dmigs pa yin par rig par bya'o/ /bcom ldan 'das byang chub sems dpa' ji tsam gyis na 'dres pa'i chos la dmigs pa'i zhi gnas dang lhag mthong thob par 'gyur lags/ byams pa de ni rgyu lngas thob par 'gyur bar rig par bya ste/
29a₄ 'di lta ste yid la byed pa'i tshe skad cig skad cig la gnas ngan len gyi rten thams cad 'jig par byed pa dang / 'du byed sna tshogs rnam par spangs te/ chos kyi kun dga' la dga' ba 'thob pa dang / chos snang ba phyogs bcur tshad med cing rnam pa yongs su ma chad pa yang dag par
29a₅ shes pa dang / dgos pa yongs su grub pa dang ldan pa rnam par dag pa'i cha dang 'thun pa'i mtshan ma rnam par ma brtags pa rnams de la kun 'byung ba dang / chos kyi sku 'thob pa dang / yongs su rdzogs pa dang yongs su 'grub par bya ba'i phyir rgyu gong ma bas ches gong ma/ bzang po bas
29a₆ ches bzang po yang dag par yongs su 'dzin par byed pa'o/ /bcom ldan 'das 'dres pa'i chos la dmigs pa'i zhi gnas dang lhag mthong de gang la rtogs shing gang la 'thob par 'tshal bar bgyi lags/ bka' stsal pa/ byams pa sa dang po rab tu dga' ba la ni rtogs pa yin la/
29a₇ sa gsum pa 'od byed pa la ni thob par rig par bya ste/ byams pa de lta mod kyi/ byang chub sems dpa' las dang po pas kyang de la rjes su bslab cing yid la bya bar mi gtang bar bya'o/ /bcom ldan 'das ji ltar na zhi gnas dang lhag mthong rtog pa dang bcas shing dpyod pa dang

_{iiif viewer powered by OpenSeadragon}

28b - 29b

Texts on this page