| e-texts navigator |
| བོད་ཡིག |
290b1 ye shes yongs su rdzogs par bya ba'i rtsom pa ste/ /rigs kyi bu rnam pa 'di bcu ni byang chub sems dpa' sems dpa' chen po rnams kyi rtsom pa'o/ /rigs kyi bu gzhan yang byang chub sems dpa' sems dpa' chen po rnams kyi sbyor ba bcu ste/ bcu gang zhe na/
290b2 'di lta ste/ pha rol tu phyin pa'i sbyor ba dang / bsdu ba'i dngos po'i sbyor ba dang / shes rab kyi sbyor ba dang / thabs kyi sbyor ba dang / snying rje chen po'i sbyor ba dang / bsod nams kyi tshogs yongs su tshol ba'i sbyor ba dang / ye shes kyi tshogs yongs su
290b3 tshol ba'i sbyor ba dang / bsam pa rnam par sbyong ba'i sbyor ba dang / bden pa rnam par dpyad pa'i sbyor ba dang / sdug pa dang mi sdug pa thams cad la mngon par zhen pa med pa'i sbyor ba ste/ /rigs kyi bu bcu po de dag ni byang chub sems dpa' sems dpa' chen po
290b4 rnams kyi sbyor ba'o/ /rigs kyi bu gzhan yang byang chub sems dpa' sems dpa' chen po rnams kyi mi zad pa la rtog pa bcu ste/ bcu gang zhe na/ 'di lta ste/ lus mi zad pa la rtog pa dang / dngos po mi zad pa la rtog pa dang / chos mi zad pa la rtog pa
290b5 dang / sred pa mi zad pa la rtog pa dang / lta ba mi zad pa la rtog pa dang / tshogs mi zad pa la rtog pa dang / nye bar len pa mi zad pa la rtog pa dang / mngon par zhen pa med pa mi zad pa la rtog pa dang / 'du ba mi zad pa la rtog pa dang / byang chub kyi snying po
290b6 shes pa mi zad pa la rtog pa ste/ rigs kyi bu bcu po de dag ni byang chub sems dpa' sems dpa' chen po rnams kyi mi zad pa la rtog pa'o/ /rigs kyi bu gzhan yang bcu po 'di dag ni byang chub sems dpa' sems dpa' chen po rnams kyi 'dul ba'i dngos po
290b7 bcu ste/ bcu gang zhe na/ 'di lta ste/ gtong ba'i char rab tu 'bebs pas ser sna'i sems 'dul ba nyid dang / las rnam gsum yongs su sbyong bas 'chal pa'i tshul khrims kyi sems 'dul ba nyid dang / byams pa sgom pas khong khro ba'i sems 'dul
iiif viewer powered by OpenSeadragon
Texts on this page
D109 - 'phags pa ga yA mgo'i ri zhes bya ba theg pa chen po'i mdo