| e-texts navigator |
| བོད་ཡིག |
290a1 mkhas pa dang / khams la mkhas pa dang / skye mched la mkhas pa dang / rten cing 'brel par 'byung ba la mkhas pa dang / gnas dang gnas ma yin pa rnam par dpyad pa la mkhas pa ste/ rigs kyi bu de'i phyir ye shes ni ldan pa zhes bya ste/ /
290a2 mi ldan pa ma yin no/ /rigs kyi bu gzhan yang byang chub sems dpa' sems dpa' chen po rnams kyi shes pa rnam pa bcu ste/ rnam pa bcu gang zhe na/ 'di lta ste/ rgyu shes pa dang / 'bras bu shes pa dang / don shes pa dang / thabs shes pa dang / shes rab shes pa
290a3 dang / bsdu ba shes pa dang / pha rol tu phyin pa shes pa dang / snying rje chen po shes pa dang / sems can yongs su smin par bya ba shes pa dang / chos thams cad la mngon par zhen pa med par shes pa ste/ rigs kyi bu rnam pa de bcu ni byang chub sems dpa' sems dpa'
290a4 chen po rnams kyi shes pa'o/ /rigs kyi bu gzhan yang byang chub sems dpa' sems dpa' chen po rnams kyi rtsom pa rnam pa bcu ste/ rnam pa bcu gang zhe na/ 'di lta ste/ sems can thams cad kyi lus kyi las yongs su sbyang ba'i phyir lus kyi rtsom pa dang / sems
290a5 can thams cad kyi ngag gi las yongs su sbyang ba'i phyir ngag gi rtsom pa dang / sems can thams cad kyi yid kyi las yongs su sbyang ba'i phyir sems kyi rtsom pa dang / sems can thams cad la mngon par zhen pa med par bya ba'i phyir nang gi rtsom pa dang / sems
290a6 can thams cad la mtshungs par sbyar bar bya ba'i phyir phyi'i rtsom pa dang / sangs rgyas kyi ye shes yongs su rdzogs par bya ba'i phyir ye shes kyi rtsom pa dang / sangs rgyas kyi zhing thams cad kyi yon tan bkod pa kun tu bstan pa'i phyir zhing gi rtsom pa dang / nyon mongs
290a7 pa'i nad kyi sman yongs su shes par bya ba'i phyir sems can yongs su smin par bya ba'i rtsom pa dang / nges pa'i phung po yongs su rdzogs par bya ba'i phyir de kho na'i rtsom pa dang / khams gsum pa thams cad la sems mngon par zhen pa med par bya ba'i phyir 'dus ma byas kyi
iiif viewer powered by OpenSeadragon
Texts on this page
D109 - 'phags pa ga yA mgo'i ri zhes bya ba theg pa chen po'i mdo