| e-texts navigator |
| བོད་ཡིག |
289b1 gnyis te/ gnyis gang zhe na/ tshad yod par byas pa'i lam dang / tshad med par byas pa'i lam mo/ /de la tshad yod par byas pa'i lam ni mtshan ma'i gnas so/ /tshad med par byas pa'i lam ni mtshan ma med pa'i gnas so/ /gzhan yang mdor bsdus pa'i lam gnyis
289b2 te/ gnyis gang zhe na/ shes pa'i lam dang spong ba'i lam mo/ /de la shes pa'i lam ni sa dang po nas bzung ste sa bdun pa'i bar du'o/ /spong ba'i lam ni sa brgyad pa nas bzung ste sa bcu pa'i bar du'o/ /de nas byang chub sems dpa' sems dpa' chen po ye shes
289b3 sgrub pa dpa' bos 'jam dpal gzhon nur gyur pa la 'di skad ces smras so/ /'jam dpal byang chub sems dpa' sems dpa' chen po ji ltar na don gyis rab tu phye ba yin/ ji ltar na ye shes kyis rab tu phye ba yin/ 'jam dpal gyis smras pa/ rigs kyi bu don ni
289b4 ldan pa med pa'o/ /ye shes ni ldan pa'o/ /smras pa/ 'jam dpal ci'i phyir don ni ldan pa med la ye shes ni ldan pa yin/ 'jam dpal gyis smras pa/ rigs kyi bu don ni 'dus ma byas pa ste/ chos gang dang yang ldan pa'am mi ldan pa ma yin par khong du chud
289b5 par bya'o/ /de ci'i phyir zhe na/ don ni 'gyur ba med pa'i mtshan nyid yin te/ de ni chos gang dang yang ldan pa'am mi ldan pa ma yin par khong du chud par bya'o/ /don ni gzod ma nas yongs su grub pa med pa'i phyir chos gang dang yang ldan pa'am mi ldan pa ma yin par
289b6 khong du chud par bya'o/ /don ni dor ba med pa dang gzhag pa med pa'i phyir chos gang dang yang ldan pa'am mi ldan pa ma yin par khong du chud par bya'o/ /ye shes zhes bya ba ni lam ste/ lam ni sems dang yang dag par ldan pa yin gyi mi ldan pa ma yin te/ rigs
289b7 kyi bu de'i phyir ye shes ni ldan pa zhes bya ste/ mi ldan pa ma yin no/ /ye shes ni spong ba dang yang dag par ldan pa yin gyi mi ldan pa ma yin te/ rigs kyi bu de'i phyir ye shes ni ldan pa zhes bya ste/ mi ldan pa ma yin no/ /ye shes zhes bya ba ni phung po la
iiif viewer powered by OpenSeadragon
Texts on this page
D109 - 'phags pa ga yA mgo'i ri zhes bya ba theg pa chen po'i mdo