rKTs

e-texts navigator

Volume

Page

289a₁ du bla na med pa yang dag par rdzogs pa'i byang chub mngon par rdzogs par 'tshang rgya'o/ /gnyis gang zhe na 'di lta ste/ thabs dang shes rab bo/ /de la thabs ni bsdu ba shes pa'o/ /shes rab ni yongs su gcod pa shes pa'o/ /thabs
289a₂ ni sems can la blta ba'o/ /shes rab ni chos thams cad la mi lta ba'o/ /thabs ni chos la sbyor ba shes pa'o/ /shes rab ni bral ba shes pa'o/ /thabs ni rgyu la dmigs pa shes pa'o/ /shes rab ni rgyu zad par 'gro ba'o/ /thabs ni chos tha dad pa
289a₃ shes pa'o/ /shes rab ni chos kyi dbyings dbyer med pa shes pa'o/ /thabs ni sangs rgyas kyi zhing gi rgyan shes pa'o/ /shes rab ni sangs rgyas kyi zhing mnyam pa nyid dbyer med par shes pa'o/ /thabs ni sems can gyi dbang po dang spyod pa la 'jug pa shes
289a₄ pa'o/ /shes rab ni sems can dmigs su med par shes pa'o/ /thabs ni byang chub kyi rgyan thob par byed pa shes pa'o/ /shes rab ni sangs rgyas kyi chos thams cad mngon par rdzogs par byang chub pa shes pa'o/ /lha'i bu gzhan yang mdor bsdus pa'i
289a₅ lam gnyis te/ gnyis gang zhe na/ tshogs kyi lam dang / yongs su gcod pa'i lam mo/ /de la tshogs kyi lam ni pha rol tu phyin pa lnga po dag go/ /yongs su gcod pa'i lam ni shes rab kyi pha rol tu phyin pa'o/ /gzhan yang mdor bsdus pa'i lam gnyis te/
289a₆ gnyis gang zhe na/ chags pa dang bcas pa'i lam dang / chags pa med pa'i lam mo/ /de la chags pa dang bcas pa'i lam ni pha rol tu phyin pa lnga po dag go/ /chags pa med pa'i lam ni shes rab kyi pha rol tu phyin pa'o/ /gzhan yang mdor bsdus pa'i lam
289a₇ gnyis te/ gnyis gang zhe na/ zag pa dang bcas pa'i lam dang zag pa med pa'i lam mo/ /de la zag pa dang bcas pa'i lam ni pha rol tu phyin pa lnga po dag go/ /zag pa med pa'i lam ni shes rab kyi pha rol tu phyin pa'o/ /gzhan yang mdor bsdus pa'i lam

_{iiif viewer powered by OpenSeadragon}

288b - 289b

Texts on this page