| e-texts navigator |
| བོད་ཡིག |
288b1 yang sems bskyed pa dang po ni rgyu las yang dag par byung ba'o/ /sems bskyed pa gnyis pa ni ye shes las yang dag par byung ba'o/ /sems bskyed pa gsum pa ni spong ba las yang dag par byung ba'o/ /sems bskyed pa bzhi pa ni 'bras bu las yang dag
288b2 par byung ba'o/ /lha'i bu gzhan yang sems bskyed pa dang po ni rgyu rab tu dbye ba'i yan lag go/ /sems bskyed pa gnyis pa ni ye shes rab tu dbye ba'i yan lag go/ /sems bskyed pa gsum pa ni spong ba rab tu dbye ba'i yan lag go/ /sems bskyed
288b3 pa bzhi pa ni 'bras bu rab tu dbye ba'i yan lag go/ /lha'i bu gzhan yang sems bskyed pa dang po ni sman bsdu ba'i tshul du blta'o/ /sems bskyed pa gnyis pa ni sman rab tu dbye ba la mkhas pa'i tshul du blta'o/ /sems bskyed pa gsum pa ni sman sbyor ba la
288b4 mkhas pa'i tshul du blta'o/ /sems bskyed pa bzhi pa ni nad pa gso ba la mkhas pa'i tshul du blta'o/ /lha'i bu gzhan yang sems bskyed pa dang po ni chos kyi rgyal po'i rigs kyi rgyud du 'byung ba'i tshul du blta'o/ /sems bskyed pa gnyis pa ni chos kyi rgyal
288b5 po'i rigs kyi rgyud kyi bslab pa yang dag par 'dzin pa'i tshul du blta'o/ /sems bskyed pa gsum pa ni chos kyi rgyal po'i rigs kyi rgyud kyi bslab pa tshar phyin pa'i tshul du blta'o/ /sems bskyed pa bzhi pa ni chos kyi rgyal po'i rigs kyi rgyud kyi bslab pa la dbang sgyur
288b6 ba'i tshul du blta'o/ /de nas lha'i bu 'od rnam par nges pa'i 'od zer gyi 'od kyis 'jam dpal gzhon nur gyur pa la 'di skad ces smras so/ /'jam dpal byang chub sems dpa' rnams lam gang dang ldan na myur du bla na med pa yang dag par rdzogs pa'i byang chub mngon
288b7 par rdzogs par 'tshang rgya ba'i byang chub sems dpa' rnams kyi lam mdor bsdus pa gang / 'jam dpal gyis smras pa/ lha'i bu byang chub sems dpa' rnams kyi lam ni mdor bsdus na 'di gnyis te/ byang chub sems dpa' dag lam 'di gnyis dang ldan na myur
iiif viewer powered by OpenSeadragon
Texts on this page
D109 - 'phags pa ga yA mgo'i ri zhes bya ba theg pa chen po'i mdo