rKTs

e-texts navigator

Volume

Page

286a₁ mngon par rdzogs par 'tshang rgya ba su yang med/ cis mngon par rdzogs par 'tshang rgya ba yang med/ mngon par rdzogs par 'tshang rgya bar bya ba ci yang med/ rnam pa gang gis mngon par rdzogs par 'tshang rgya bar bya ba yang med de/
286a₂ 'di la gang de ltar mngon par rdzogs par byang chub pa de'i phyir/ byang chub mngon par rdzogs par 'tshang rgya ba zhes bya ste/ de la byang chub ni 'gyur ba med pa/ mi 'gyur ba/ mtshan nyid med pa'o snyam mo/ /de nas bcom ldan 'das la 'jam dpal
286a₃ gzhon nur gyur pas 'di skad ces gsol to/ /bcom ldan 'das gal te byang chub kyi mtshan nyid de lta bu lags na/ bcom ldan 'das rigs kyi bu'am/ rigs kyi bu mos ji ltar byang chub kyi slad du 'jug par bgyi/ bcom ldan 'das kyis
286a₄ bka' stsal pa/ 'jam dpal byang chub de ji lta ba de bzhin du byang chub sems dpas byang chub kyi phyir 'jug par bya'o/ /'jam dpal gyis gsol pa/ bcom ldan 'das byang chub ji ltar rab tu 'tshal bar 'gyur/ bcom ldan 'das kyis bka'
286a₅ stsal pa/ 'jam dpal byang chub ni khams gsum pa las yang dag par 'das pa/ tha snyad las yang dag par 'das pa/ yi ge'i sgra skad las yang dag par 'das pa/ sgra las yang dag par 'das pa/ 'jug pa med pa/ gzod ma nyid nas
286a₆ 'jug pa med pa'o/ /'jam dpal de lta bas na/ byang chub sems dpa' 'jug pa la yang dag par 'das pa rnams kyis byang chub kyi phyir 'jug par bya'o/ /'jam dpal 'jug pa med pa'i 'jug pa ni byang chub la 'jug pa'o/ /'jam dpal dngos po
286a₇ med pa la 'jug pa ni byang chub la 'jug pa'o/ /'jam dpal bla gab med pa la 'jug pa ni byang chub la 'jug pa'o/ /'jam dpal chos kyi dbyings kyi rang bzhin la 'jug pa ni byang chub la 'jug pa'o/ /'jam dpal chos thams cad la mngon par zhen pa med

_{iiif viewer powered by OpenSeadragon}

285b - 286b

Texts on this page