rKTs

e-texts navigator

Volume

Page

285b₁ gang gis khong du chud pa dang / sus khong du chud par 'gyur ba'i chos de la nges par brtag par bya ste/ ci lus kyis khong du chud dam/ 'on te sems kyis khong du chud/ gal te lus kyis khong du chud du ni lus ni bems po/ g.yo ba med pa dang / rtswa
285b₂ dang / shing dang / rtsig pa dang / bong ba dang / mig yor lta bu ste/ sems med pa/ 'byung ba chen po bzhi las gyur pa/ pha ma'i mi gtsang ba las byung ba dang / mi rtag pa dang / rtag tu bsku ba dang / bkru ba dang / mnye dgos pa dang /
285b₃ 'jig pa dang / rnam par 'gyes pa dang / rnam par 'jig pa'i chos can no/ /sems ni sgyu ma dang mtshungs pa/ rten cing 'brel par 'byung ba/ gnas med pa/ mtshan nyid med pa/ dngos po med pa/ bla gab med pa'o/ /byang chub ni
285b₄ ming tsam tha snyad tsam ste/ sgra skad med pa/ dpyad du med pa/ grub pa med pa/ rgyu ba med pa/ 'jug pa med pa/ rnam par rig pa med pa/ gdags par bya ba ma yin pa/ 'ong ba dang 'gro ba las yang dag par 'das pa/ gdags pa las
285b₅ yang dag par 'das pa/ khams gsum pa las yang dag par 'das pa/ ma mthong ba/ ma thos pa/ bye brag ma phyed pa/ gzhi med pa/ dmigs pa med pa/ rgyu ba med pa/ spros pa med pa/ 'jug pa med pa/ brtag tu med pa/ dpag tu med pa/ bstan
285b₆ du med pa/ sgra med pa/ yi ge med pa/ tshig gi lam med pa'o/ /de ltar na su mngon par rdzogs par 'tshang rgya/ gang gis mngon par rdzogs par 'tshang rgya/ mngon par rdzogs par 'tshang rgya bar bya ba ni gang yin/ chos 'di dag thams cad ni ming
285b₇ tsam/ btags pa tsam/ brda tsam/ tha snyad tsam ste/ brtags pa/ yongs su brtags pa/ ma byung ba/ byung ba med pa/ rdzas ma yin pa/ rdzas med pa/ len pa med pa/ bstan du med pa/ mngon par chags pa med pa yin te/ de la ni

_{iiif viewer powered by OpenSeadragon}

285a - 286a

Texts on this page