rKTs

e-texts navigator

Volume

Page

27a₁ yid la bgyid pa de la ci zhes bgyi/ byams pa lhag mthong ni ma yin te/ lhag mthong gi rjes su 'thun pa'i mos pa dang mtshungs par ldan pa yin par brjod par bya'o/ /bcom ldan 'das zhi gnas kyi lam dang / lhag mthong gi lam tha dad ces bgyi'am/
27a₂ tha dad pa ma lags zhes bgyi/ bka' stsal pa/ byams pa tha dad pa yang ma yin/ tha dad pa ma yin pa yang ma yin zhes bya'o/ /ci'i phyir tha dad pa ma yin zhe na/ lhag mthong gi dmigs pa'i sems la dmigs pa'i phyir ro/ /ci'i phyir tha dad pa ma yin zhe na/
27a₃ rnam par rtog pa dang bcas pa'i gzugs brnyan la dmigs pa'i phyir ro/ /bcom ldan 'das rnam par lta bar bgyid pa'i ting nge 'dzin gyi spyod yul gzugs brnyan gang lags pa de ci lags/ sems de dang tha dad pa zhes bgyi'am/ tha dad pa ma lags zhes bgyi/
27a₄ byams pa tha dad pa ma yin zhes bya'o/ /ci'i phyir tha dad pa yin zhe na/ gzugs brnyan de rnam par rig pa tsam du zad pa'i phyir te/ byams pa rnam par shes pa ni dmigs pa rnam par rig pa tsam gyis rab tu phye ba yin no/ /zhes ngas bshad do/ /bcom ldan 'das ting
27a₅ nge 'dzin gyi spyod yul gzugs brnyan de gal te gzugs sems de las tha dad pa ma lags na/ sems de nyid kyis sems de nyid la ji ltar rtog par bgyid lags/ bka' stsal pa/ byams pa de la chos gang yang chos gang la yang rtog par mi byed mod kyi/ 'on kyang de ltar
27a₆ skyes pa'i sems gang yin pa de de ltar snang ngo / /byams pa 'di lta ste dper na/ gzugs la brten nas me long gi dkyil 'khor shin tu yongs su dag pa la gzugs nyid mthong yang gzugs brnyan mthong ngo snyam du sems te/ de la gzugs de dang / gzugs brnyan
27a₇ snang ba de don tha dad par snang ngo / /de bzhin du de ltar skyes pa'i sems de dang / ting nge 'dzin gyi spyod yul gzugs brnyan zhes bya ba gang yin pa de yang de las don gzhan yin pa lta bur snang ngo / /bcom ldan 'das sems can rnams kyi gzugs la sogs par snang ba

_{iiif viewer powered by OpenSeadragon}

26b - 27b

Texts on this page