| e-texts navigator |
| བོད་ཡིག |
25b1 grangs med pa bskyed de/ de'i dpe bya bar sla ba ma yin mod kyi/ 'on kyang mdor bsdus te khyod la bshad par bya'o/ /don dam yang dag 'phags 'di lta ste dper na/ sen mo'i rtse mo la gnas pa'i sa'i rdul gang dag yin pa de ni/ sa la gnas pa'i rdul rnams
25b2 dang bsgrun na brgya'i char yang nye bar mi 'gro zhing stong gi cha dang / 'bum gyi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /ba lang gi rjes kyi chu ni mtsho chen po bzhi'i chu dang bsgrun na brgya'i char yang nye bar mi 'gro ba
25b3 nas rgyu'i bar du yang nye bar mi 'gro'o/ /don dam yang dag 'phags de bzhin du ngas drang ba'i don gyi mdo sde la mos pa nas bsgom pa'i rnam par sbyor bar byed pa'i bar gyi bsod nams gang bshad pa de ni nges pa'i don bstan pa la mos pa las yang dag par grub pa nas/
25b4 bsgom pa'i rnam pas sbyor ba las yang dag par grub pa'i bar gyi bsod nams dang bsgrun na brgya'i char yang nye bar mi 'gro ba nas rgyu'i bar du yang nye bar mi 'gro'o/ /de skad ces bka' stsal pa dang / bcom ldan 'das la byang chub sems dpa' don dam yang dag
25b5 'phags kyis 'di skad ces gsol to/ /bcom ldan 'das dgongs pa nges par 'grel pa'i chos kyi rnam grangs 'dir bstan pa 'di'i ming ci lags/ 'di ji ltar gzung bar bgyi/ bcom ldan 'das kyis de la bka' stsal pa/ don dam yang dag 'phags 'di ni don
25b6 dam pa'i nges pa'i don bstan pa yin te/ 'di don dam pa nges pa'i don bstan pa zhes bya bar zung shig /don dam pa nges pa'i don bstan pa 'di bshad pa na srog chags drug 'bum ni bla na med pa yang dag par rdzogs pa'i byang chub tu sems skyes so/ /nyan thos sum
25b7 'bum ni chos rnams la chos kyi mig rdul med cing dri ma dang bral ba rnam par dag go/ /nyan thos 'bum lnga khri ni len pa med par zag pa rnams las sems rnam par grol lo/ /byang chub sems dpa' bdun khri lnga stong gis ni mi skye ba'i chos la bzod pa thob par gyur to/ /
iiif viewer powered by OpenSeadragon
Texts on this page
D106 - 'phags pa dgongs pa nges par 'grel pa zhes bya ba theg pa chen po'i mdo