rKTs

e-texts navigator

Volume

Page

25a₁ 'gag pa ma mchis pa dang / gzod ma nas zhi ba dang / rang bzhin gyis yongs su mya ngan las 'das pa nyid las brtsams nas theg pa chen po la yang dag par zhugs pa rnams la stong pa nyid smos pa'i rnam pas ches ngo mtshar rmad du byung ba'i chos kyi
25a₂ 'khor lo gnyis pa bskor te/ bcom ldan 'das kyi chos kyi 'khor lo bskor ba de yang bla na mchis pa/ skabs mchis pa/ drang ba'i don rtsod pa'i gzhi'i gnas su gyur pa lags la/ bcom ldan 'das kyis chos rnams kyi ngo bo nyid ma mchis pa nyid las brtsams/
25a₃ skye ba ma mchis pa dang / 'gag pa ma mchis pa dang / gzod ma nas zhi ba dang / rang bzhin gyis yongs su mya ngan las 'das pa nyid las brtsams nas/ theg pa thams cad la yang dag par zhugs pa rnams la legs par rnam par phye ba dang ldan pa/
25a₄ shin tu ngo mtshar rmad du byung ba'i chos kyi 'khor lo gsum pa bskor te/ bcom ldan 'das kyi chos kyi 'khor lo bskor ba 'di ni bla na ma mchis pa/ skabs ma mchis pa/ nges pa'i don lags te/ rtsod pa'i gzhi'i gnas su gyur pa ma lags so/ /bcom ldan 'das
25a₅ chos rnams kyi ngo bo nyid ma mchis pa nyid las brtsams/ rang bzhin gyis yongs su mya ngan las 'das pa nyid kyi bar las brtsams nas/ bcom ldan 'das kyis nges pa'i don bstan pa 'di rigs kyi bu'am/ rigs kyi bu mo gang gis thos nas mos par bgyid pa dang /
25a₆ yi ger 'drir stsol ba dang / yi ger bris nas kyang 'chang ba dang / klog pa dang / mchod pa dang / yang dag par 'gyed pa dang / lung nod pa dang / kha ton bgyid pa dang / sems pa dang / bsgom pa'i rnam pas sbyor bar bgyid pa de bsod nams ji tsam zhig
25a₇ skyed par 'gyur ba lags/ de skad ces gsol pa dang / bcom ldan 'das kyis byang chub sems dpa' don dam yang dag 'phags la 'di skad ces bka' stsal to/ /don dam yang dag 'phags rigs kyi bu'am/ rigs kyi bu mo de ni bsod nams dpag tu med

_{iiif viewer powered by OpenSeadragon}

24b - 25b

Texts on this page