rKTs

e-texts navigator

Volume

Page

22a₁ bka' ma yin gyi/ 'di ni bdud kyis smras pa yin no zhes kyang zer zhing de ltar rig nas mdo sde dag la skur pa 'debs par byed/ spong bar byed/ mi bsngags pa rjod par byed/ ngan du rjod par byed cing lhad kyang 'jug par byed de/ rnam grangs du mar mdo sde
22a₂ de dag spang ba dang / chud gzan pa dang / rnam par gzhig pa'i phyir zhugs shing de la mos pa'i gang zag rnams la yang dgrar 'du shes par 'gyur ro/ /de dag ni dang po nyid nas kyang las kyi sgrib pas bsgribs pa yin la/ gzhi des kyang yang las kyi sgrib pa de lta bus sgrib par
22a₃ byed de/ las kyi sgrib pa de'i dang po ni gdags par sla'i/ bskal pa bye ba khrag khrig 'bum phrag 'di snyed kyi bar gyis 'byung bar 'gyur ro zhes gdags par ni dka'o/ /don dam yang dag 'phags de ltar na nga'i chos 'dul ba legs par gsungs pa/ shin tu gya nom pa/
22a₄ bsam pa shin tu rnam par dag pa ston pa chos legs par bstan pa la sems can rnams kyi mos pa'i rim pa de lta bu dag kyang snang ngo / /de nas bcom ldan 'das kyis de'i tshe tshigs su bcad pa 'di dag bka' stsal to/ /chos rnams ngo bo nyid med chos rnams ma skyes
22a₅ dang / /chos rnams ma 'gags chos rnams gzod nas zhi ba dang / /chos rnams thams cad rang bzhin mya ngan 'das par ni/ /dgongs pa med par mkhas pa su zhig smra bar byed/ /mtshan nyid ngo bo nyid med skye ba ngo bo med/ /don dam ngo bo nyid med do zhes ngas
22a₆ bshad de/ /'di la mkhas pa gang zhig dgongs pa shes pa ni/ /rab tu nyams par 'gyur ba'i lam du de mi 'gro /kun gyi rnam dag lam ni gcig pu 'di yin te/ /rnam par dag pa'ang gcig ste gnyis pa gang yang med/ /de phyir theg pa gcig pa 'di ni 'dogs
22a₇ byed kyang / /sems can rigs ni rnam pa sna tshogs med ma yin/ /sems can khams 'di na ni gang bdag gcig pu pa/ /mya ngan 'da' bar byed pa'i sems can dpag tu med/ /gang dag mya ngan 'das kyang sems can mi gtong ba'i/ /brtan pa snying rje ldan pa de

_{iiif viewer powered by OpenSeadragon}

21b - 22b

Texts on this page