rKTs

e-texts navigator

Volume

Page

21b₁ dpag tu med pa rnams las kyang yongs su nyams par 'gyur ro/ /de dag las gzhan dag gis chos la chos su dang / don ma yin pa la don du thos nas gang dag lta ba la dga' bar byed pa de dag ni chos la chos su 'du shes pa dang / don ma yin pa la don du 'du shes pas chos la chos
21b₂ su dang / don ma yin pa la don du mngon par zhen par 'gyur te/ de dag gzhi des na de bzhin du dge ba'i chos las nyams par rig par bya'o/ /gang dag lta ba la dga' bar mi byed pa de dag ni de dag las chos rnams kyi ngo bo nyid med pa nyid thos shing chos rnams kyi skye ba med pa dang /
21b₃ 'gag pa med pa dang / gzod ma nas zhi ba dang / rang bzhin gyis yongs su mya ngan las 'das pa thos nas skrag cing dngang la kun tu dngang bar 'gyur zhing 'di skad ces 'di ni sangs rgyas kyi bka' ma yin gyi/ 'di ni bdud kyis smras pa yin no zhes kyang zer zhing de ltar rig nas mdo sde
21b₄ de dag la skur pa 'debs par byed/ spong bar byed/ mi bsngags pa rjod par byed/ ngan du rjod par byed/ gzhi des na phongs pa chen po 'thob par 'gyur zhing las kyi sgrib pa chen pos kyang reg par 'gyur ro/ /gzhi des kyang gang dag skye bo phal po che la las kyi sgrib pa chen po
21b₅ 'thob pas slu bar byed pa/ mtshan nyid thams cad med par lta zhing don ma yin pa don du ston par byed pa de dag ni las kyi sgrib pa chen po dang ldan par nga smra'o/ /don dam yang dag 'phags de la sems can gang dag dge ba'i rtsa ba ma bskyed/ sgrib pa yongs su ma dag /rgyud yongs su
21b₆ ma smin/ mos pa mi mang / bsod nams dang ye shes kyi tshogs yang dag par ma grub cing / drang po dang drang po'i rang bzhin can ma yin la rtog pa dang sel mi nus la/ rang gi lta ba mchog tu 'dzin par gnas pa de dag gis ni chos de thos na/ nga'i dgongs te bshad pa yang yang dag pa
21b₇ ji lta ba bzhin du rab tu mi shes shing chos de la mos par yang mi 'gyur la/ de dag chos la chos ma yin par 'du shes shing / don la don ma yin par 'du shes la/ chos la yang chos ma yin pa dang / don la yang don ma yin par mngon par zhen nas 'di skad ces 'di ni sangs rgyas kyi

_{iiif viewer powered by OpenSeadragon}

21a - 22a

Texts on this page